首頁 日報娛樂

踢拖街坊Look買清酒 安志杰食飯糰做Tea

12/08/2019
■目標明確,Andy一揀完清酒就去畀錢。
■目標明確,Andy一揀完清酒就去畀錢。 (1/7)

  安志杰(Andy),42歲,好大隻,感覺好揪得,香港影壇揪得嘅男星好少,但佢硬係無機會發圍,近年轉攻內地市場,拍咗好多劇同電影,因為無喺香港上,所以少留意內地娛樂嘅人唔知唔出奇。日前下午,一身街坊裝,踢拖嘅安志杰單拖去ifc超市買清酒,佢話當晚約咗朋友食飯,所以買酒備用,買完酒佢忍唔住買咗個飯糰做Tea,咁細嚿,明顯只係過吓口癮。採訪︰李權威

  安志杰自從與33C警鐘胸Jessica C.(JC)結婚後,三年抱兩,生了一對仔女,3歲大女Tessa和1歲大細仔Elvis,一家四口非常幸福。一家之主經常上載甜蜜家庭照到社交平台,真係個好爸爸!

有問必答

  因為做Gym的健身中心在ifc附近,所以經常會見到安志杰去ifc的超市入貨,有時仲會幫手買餸,總之買完嘢都會順手買件飯糰咬吓。當日下午三點,一身街坊裝,孭住大袋明顯做完Gym的Andy去超市買清酒,見佢一入超市就行去賣酒區,對放滿一個大架嘅清酒無乜頭緒,揀咗15分鐘,買咗兩支700ml嘅清酒就行去收銀用電子貨幣畀錢。買完離開時經過食物櫃就買咗件飯糰做Tea,問佢老婆呢?佢話喺屋企湊緊仔,而買酒係因為當晚約咗朋友食飯。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd