首頁 日報娛樂

拍處女劇做「女二」 陳曉華激到朱敏瀚跳海

12/08/2019
■陳曉華與朱敏瀚首次合作,表現好有默契。
■陳曉華與朱敏瀚首次合作,表現好有默契。 (1/7)

  去年港姐冠軍陳曉華(Hera)未卸任已受重用,在處女劇《網絡騙案》孭重飛做第二女主角,與朱敏瀚(Brian)有感情戲。呢位TVB力捧女神樣靚身材正,加上聽教聽話係「潛力股」。本報記者日前喺赤柱直擊Hera拍外景,佢演出前做足功課,NG唔多,唯一經驗有限不時走錯位,連Brian都力讚:「佢再選今年都會贏,演戲領悟力又高!」o氹到女方不停大笑。 採訪:方騫平 攝影、李維隆

  日前下午,陳曉華及朱敏瀚在赤柱卜公碼頭,拍王偉仁監製的新劇《網絡騙案》外景。兩人先拍一場吵架戲,講朱敏瀚唔贊成陳曉華做警花,Hera據理力爭,大大聲鬧到面紅耳熱皺眉頭,對白同表情都交足戲,兩take就收貨。好戲在後頭,接着講小情侶嘈完,朱敏瀚為求原諒,激動跳海,Hera見狀不知所措,最後扶男友上岸溫馨抱抱,和好如初。

跳海割傷手

  唔熟水性嘅Brian處男落海表現有啲緊張,全程由救生員傍到實,落水15分鐘都要攬住個水泡,拍得幾吃力。當爬上岸時,仲俾蠔殼鎅損右手流血,真係陰功豬。清潔好傷口後,Brian補多次跳海鏡頭。

  陳曉華處女劇雖然拍咗一個月,但仍然好緊張,她笑住追問Brian:「我有冇進步呀?」朱敏瀚讚她係好有天份演員,畀佢70分說:「Hera領悟力好高,拍第2日已上手。」現場見陳曉華頻頻走錯位NG喎!Brian即主動護花:「最主要被風吹到一頭亂髮,而且風聲太大聽唔清楚指示。」TVB正值鬧小生荒,朱敏瀚拍跳海戲表現進取,他解釋說:「雖然我唔熟水性,但落水都死唔去嘅,而且有救生員都放心。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd