首頁 日報娛樂

買豐富消夜慰勞自己 林雅詩瘋狂吸收澱粉質

12/08/2019
■林雅詩拿着外賣,朝港鐵站方向走人。
■林雅詩拿着外賣,朝港鐵站方向走人。 (1/7)

  41歲單親媽媽林雅詩(Grace),為養家頻到內地登台,又要學功夫拍打戲,近年仲開埋時裝店做老闆,坦言「力不到不為財」的她,幾乎日日到筲箕灣店打躉,由下午做到收舖,sell客,執貨及埋數一腳踢,有時買咗飯盒都會因為好忙而放到凍晒先食。日前晚上十時多,見Grace收完舖便到附近買外賣車仔麵返屋企食,臨走前見食店有8折焗飯,她諗咗一陣又買咗盒飯,當晚消夜認真豐富。採訪:梁志明

  Grace努力工作,為的是13歲兒子可在較理想的環境成長,現時兒子放暑假,Grace表示會多抽時間陪他,更計劃一齊去旅行。現時Grace的兒子就嚟追到她的高度,她笑言:「有次畀人話我係佢家姐,佢即刻好唔開心。(阿仔拍拖未?)應該未,佢怕醜,我都想佢快啲拍拖,可以成熟啲嘛!」Grace與兒子感情要好,近日她還自爆答應了兒子,一定不會再婚,事事以仔為先,果然是好媽咪!

消夜有麵又有飯

  日前晚上十時許,Grace在時裝店收工,收好舖後,可能未食飯,急急腳到附近的食店買了碗外賣車仔麵。等了約10分鐘,她便拿着熱辣辣的車仔麵朝港鐵站方向走人。途經一間賣焗飯的小店時,因為傳來陣陣香味,她即刻走埋去望吓,見有焗飯又有焗意粉,十點後仲有8折。Grace見到咁吸引,加上可能想同個仔分甘同味,即刻買番盒。畀完錢,她還跟老闆娘傾多兩句才搭港鐵返家。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd