首頁 日報娛樂

遭內地網民封殺 李佳芯獲男友護航甜入心

13/08/2019
■Ali和陳炳銓拍拖近5年,因二人事業正起飛未打算結婚。
■Ali和陳炳銓拍拖近5年,因二人事業正起飛未打算結婚。 (1/7)

  無線視后李佳芯(Ali)因為早前喺社交網呼籲大家登記做選民,即被內地網民向佢扣上「港獨」帽子,更要求無線封殺佢。連月嚟飽受攻擊兼要通宵拍攝新劇,女神坦言「身心疲累」,周日下午就call咗男友陳炳銓出嚟甜蜜慰藉。當日,Ali戴cap帽遮素顏,皮膚好白滑,省鏡現身圓方。見佢有男友服侍歎咖啡,Ali終於有番女神笑容,冧笑拍拖呀! 採訪︰李維隆

  政府修訂《逃犯條例》爭議持續升級,36歲嘅李佳芯亦惹嚟內地網民攻擊指佢「港獨」。Ali沉默逾月,上周終於發聲回應稱「『港獨』二字從來沒有在她的腦海或心裏出現。」抒發完,Ali心情亦好返啲,趁近月忙跟舊拍檔陳豪開拍TVB新劇《愛美麗狂想曲》同時,忙裏偷閒搵拍拖近5年嘅男友陳炳銓去圓方甜蜜dating。

零妝滲仙氣

  周日下午3時,身穿工人褲嘅Ali無化妝、戴cap帽掩星味與男友拍拖行圓方。兩人急步行去戲院欲買飛睇戲,卻見大排長龍,無癮離開,轉去附近買咖啡麵包外賣,返家食下午茶好過。見白滑Ali沿途壓低頂帽怕人認出,無奈被記者撞破密會,即大方笑笑口任影。廿四孝陳炳銓獨自排隊買咖啡、等拎再加埋糖,才將杯咖啡送到靚女友手上,相當體貼呀!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd