首頁 日報娛樂

自爆暗黑瘋狂一面 泳兒曾報復無理鄰居

14/08/2019
■入行後泳兒懂打扮,自信心增強。
■入行後泳兒懂打扮,自信心增強。 (1/6)

  入行14年的泳兒(Vincy)跳出Comfort Zone,首次挑戰暗黑系歌曲,向公司要求做一隻非泳兒慘情風格的歌。新歌《野木蘭》就是一個大膽新嘗試,她坦言:「每個人都有情緒,我唔係只得乖巧一面,仲會有暗黑及瘋狂嘅另一面,今次真係可以『唱』所欲言喇。」而5呎3吋的她最瘋狂想法係希望可以同鄭希怡睇齊變成高妹!採訪:方騫平

化妝:Chris Lam 髮型:Zivyeunghair @haircorner服裝:@KOYO 場地:The Wave@觀塘

  泳兒超愛新歌《野木蘭》,「由收Demo開始我就好鍾意呢首歌,每日至少會聽一次,係咪好誇張呢?唔同情緒聽同一隻歌,會有唔同感覺,都好有新鮮感,哈!真係好自戀。(男友都like爆首歌?)佢話唱Demo嘅唱得好過我,激死!」

最想增高

  講到最暗黑一面,泳兒坦言有時聽訓示,乖巧冇駁咀,但唔等於認同,可能心裏好想打爆佢!但強調呢種行為,面對老闆楊受成時永遠唔會發生,因為她好尊敬楊老闆。公司同事亦唔會強迫她做啲乜,而令她憤怒。她笑住自爆:「反而有時會對男友野蠻,拍拖要互相遷就,尤其我唔舒服、情緒唔好嘅時候,梗係要人呵護㗎啦,男友feel到我嚟料,會自動自覺去做,呢啲叫默契。」問到近年做過最瘋狂嘅行為係乜嘢?泳兒笑說,「5年前被鄰居長期無理投訴我哋屋企好嘈,最後我哋不甘受騷擾搬走,臨搬時做咗啲小惡作劇,為發洩抑壓情緒,我哋喺佢地氈留咗小小禮物,但唔會致命嘅,哈!」

  泳兒最想做嘅瘋狂事,就係可以駁長對腳,唔使着高踭鞋喺舞台演出自如,好似鄭希怡咁有台型!問到會否想為胸部僭建?她說,「呢樣嘢可以有好多後天方法加建,腳長反而唔得喎。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd