首頁 日報娛樂

影帝老公忙谷新戲 凍齡關詠荷湊「家輝2.0」 開心放暑假

15/08/2019
「拍拖更」
■本報不時影到關詠荷兩母女「拍拖更」出沒銅鑼灣,然後漫步回黃泥涌道豪宅。呢日就轉戰金鐘睇戲兼買美容用品。
「拍拖更」 ■本報不時影到關詠荷兩母女「拍拖更」出沒銅鑼灣,然後漫步回黃泥涌道豪宅。呢日就轉戰金鐘睇戲兼買美容用品。(1/8)

        影帝張家輝近排好鬼忙,皆因最近有佢孖古天樂主演嘅新電影《使徒行者2︰諜影行動》上映,接住月尾又有部同任賢齊大鬥演技嘅《沉默的證人》。家輝忙谷新片唔得閒陪家人,好彩其凍齡愛妻關詠荷一向好enjoy親自湊13歲寶貝女張童。日前下午,見關詠荷和餅印囡囡繞晒手好sweet咁喺金鐘太古廣場睇戲行街,之後兩母女坐低飲嘢,全程笑笑口吹水,阿女突然側側頭奸笑,蠱惑樣似足佢位搞笑daddy呀!

昔日當家花旦關詠荷,03年將終身幸福All-in嫁畀張家輝,06年誕下女兒張童後淡出,13年復出拍劇集《情逆三世緣》後再無亮相幕前拍劇。影帝張家輝狂吸金又買億元「磚頭」,愛妻印印腳全職湊女啦!日前多得大台深宵時份重播98年嘅《烈火雄心》,大家可重溫關詠荷嘅風釆,o依家事隔30年,55歲凍齡張太仲係好靚!

  日前下午5時,關詠荷兩母女又「拍拖更」行金鐘太古廣場嘞!當日素顏人妻僅搽唇膏現身,皮膚白滑,幸福女人最省鏡。見佢和13歲短褲囡囡由戲院步出,計番時間似係啱啱睇完迪士尼動畫《獅子王》。輪廓激似父母混合體嘅「家輝2.0」睇完戲心情好靚,繞實媽咪邊行邊偈,又不時撒嬌,o氹到媽咪keep住甜笑。之後,二人行去餐廳坐低飲果汁,初時就各自修行睇手機,未幾童童遞部手機畀媽咪睇,兩母女又「恢復邦交」開心吹水。

問囡囡取「私物用品」

  星二代表情多多,側頭奸笑嘅蠱惑樣似足搞笑daddy呀!歎茶大半小時,美魔媽獨自去洗手間,出來後馬上同愛女傾咗幾句密偈,只見阿女笑容得戚,然後從袋中取出一片「女性用品」,然後用餐巾夾住,懶神秘笑笑口遞畀媽咪。反而關詠荷大方打開餐巾,將「女性用品」放入手袋,隨即起身如廁。出來後,張太畀cash埋單,再繞住阿女溫馨走人。

採訪︰李權威、李維隆

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd