首頁 日報娛樂

岑日珈泰國拍外景遇靈異事 潘紹聰首做監製有特權

16/08/2019
■潘紹聰提起今次個癲佬造型,岑日珈都好興奮。
■潘紹聰提起今次個癲佬造型,岑日珈都好興奮。 (1/7)

  「鬼王」潘紹聰和岑日珈(Angie)最近在靈異電影《綁靈》中首度合作, 今次潘紹聰更身兼監製,笑言可用特權唔使再演類似主持角色,更定下做導演目標,望跟恨合作的惠英紅演對手戲。而以往遇過靈異嘢搞到肥腫難分的Angie ,更大爆在泰國拍外景時,也遇到靈異事件,一度搞到要停拍休息。

撰文:杜淑霞 攝影:李權威

  電影根據香港某所學校流傳的鬼故改編,關鍵是把二戰時期日本軍刀,故事講岑日珈等一班年輕人去學校探險,結果發生很多靈異事件。潘紹聰謂今次故事都有提供資料,「聽講有好多喺嗰間學校讀過書嘅人,都話見過靈異嘢㗎!」

撞鬼搞到病

  對於首次當監製,潘紹聰話尚算易應付,更笑言仲可以用特權,「我同老闆講唔想再做類似主持嘅角色,所以今次會演個癲佬,有好大把頭髮,造型好過癮㗎!可惜無機會同惠英紅做對手戲,所以我下個目標係做導演,咁就可以安排自己同小紅姐合作啦!」Angie戲中演膽生毛去探靈的女仔,但她現實其實好怕鬼,仲話好容易撞鬼,「好似之前我屋企旁邊有棵大樹就疑似有鬼魂喺度,搞到我晚晚發噩夢失眠,嗰時仲病到肥腫難分,搵埋法師都搞唔掂,最終要搬屋。」

  原來她今次去泰國拍足一個月外景,一樣遇到靈異事,「我哋去咗間荒廢學校拍,有日喺間密封嘅洗水間度,突然有隻死咗嘅雀子掉落我面前,搞到我即時心神恍惚,要即刻停拍返酒店休息,好彩媽咪啱啱去咗泰國陪我,畀咗個平安符我掛住,瞓咗一覺先至冇事。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd