首頁 日報娛樂

賀「前世情人」就學 張名雅帶囝歎壽司狂影相

23/08/2019
■張名雅替大仔影完相後,兩母子貼頭分享。
■張名雅替大仔影完相後,兩母子貼頭分享。 (1/8)

  已為兩子之母嘅2012年港姐冠軍張名雅(Carat),日前喺社交網大晒兩歲半大仔Mario(蔡浚鏗)嘅cute爆校服相,話全家總動員送囝囝返幼兒班。有仔萬事足嘅Carat日前下午獨自湊「前世小情人」Mario現身中環ifc,二人「拍拖」喺壽司店門口等位食lunch。其間,兩母子溫馨互動又抱又攬,sweet到震。採訪︰張詠森

  新一屆港姐9月8日將出爐,前港姐冠軍Carat當選後無耐就搵到幸福人生,16年嫁畀律師男友蔡錦豪,翌年3月誕下長子Mario,去年底再誕下幼子蔡俊軒(Milo),兩年抱兩。月前,人妻產後半年出席晚宴時穿上tube dress,展示fit爆身材,仲開心謂「三圍同當年選美一樣」,回復33C、23、34,以最佳狀態準備開拍無線新劇。

  日前下午約2時,孭個黑色背囊嘅Carat拖住大仔Mario去中環ifc搵食。兩歲半囝囝沿途紮紮跳,非常可愛。二人行上壽司店門口等位,其間Carat放低背囊在counter,然後拎出手機同阿仔影萌照。見佢抱Mario上櫃台,再叫囝囝擺pose,不過小朋友坐咁高,阿媽又行遠影相,睇見都牙煙。其後,兩母子貼頭睇相,囝囝開心到咔咔笑,星媽見狀即咀嘴小王子,畫面好sweet。最後,Carat和囝囝食壽司撐枱腳大半小時,才拖住小手溫馨去車場取車走人。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd