首頁 日報娛樂

試衫唔使入更衣室 向佐名店晒巨背

23/08/2019
■向佐唔入更衣室試衞衣,就地試快靚正。
■向佐唔入更衣室試衞衣,就地試快靚正。 (1/6)

  今年3月,向華強及陳嵐的兒子向佐,在台北於雙方父母見證下,向拍拖僅數月的台灣混血女友郭碧婷成功求婚。婚期未定,但二人已開始籌備婚禮,日前準夫婦亦來港拍攝結婚短片。雖然就快結婚,但兩人無話黐到實,之前就見到向佐由助手陪同去中環名店Shopping,向生試衫好無所謂,就地試衞衣,一除一着再除,唔覺意露咗個厚實巨背,好精壯啊。採訪:張詠森

  今年初,向佐同郭碧婷傳緋聞,3月就被爆出向佐求婚成功,所以話緋聞嘅嘢真係空穴來風。對於未來老婆,向佐咁樣講:「妳是我見過最善良、最完美的女孩,我可能不能給妳全世界,但我世界裏全都是妳。」估唔到迷你龍五先生份人咁浪漫。

就地隨意試

  當日下午,向佐由男助手陪同去咗中環歷山大廈Saint Laurent 買衫,35歲嘅向生鍾情後生仔嘢,Tee呀,衞衣呀揀到成枱都係,行出行入更衣室都幾麻煩,所以向佐選擇喺店中心換衫,試上身衫好簡單,一除一着再照鏡,滿意就Keep低,除衫動作好易除埋原本件Tee,向佐嗰塊厚實巨背就唔覺意露咗出嚟。快速試半個鐘,向佐入手大量新衫,而佢全程同Sales好好傾,估計應該係熟客。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd