首頁 日報娛樂

買健身奶粉谷肌湊囡 大隻林子善喜迎聖誕B

23/08/2019
■林子善操到40吋胸肌,手瓜好粗。
■林子善操到40吋胸肌,手瓜好粗。 (1/7)

  37歲嘅「綠葉王」林子善,去年4月與拍拖5年嘅女友董佩欣(Kary)搞咗個星光熠熠百萬婚禮。月前人夫開心報喜,太太佗緊B女,會係個聖誕baby!日前下午,快將榮升新手爸爸嘅子善一身黑色打扮現身銅鑼灣。見佢獨自走上一商場買咗罐專畀做gym人士沖嚟飲嘅補充飲品,唔通想再操勁啲、手瓜起晒𦟌ready抱B女?!        採訪:梁志明

  早前喺無線新劇《十二傳說》中,扮演神棍(Dali大師)嘅林子善,拍劇之餘最愛流連健身室兼職教gym。年底就要做daddy,做咗4間茶餐廳老闆嘅子善,月前就將東涌層樓以600萬售出,持貨3年半,帳面獲利141萬,有機會想揸多啲cash,買層大啲嘅樓畀小公主做安樂窩。

麒麟臂搶眼

  日前下午5時,大隻子善無畏無懼,着上全身黑色現身銅鑼灣近總統戲院。見佢一邊行一邊用無線耳機傾電話,目測佢隻麒麟臂至少16、17吋。佢好熟路上咗商場一間專賣訓練補充飲品嘅舖頭,一罐罐5磅起嘅奶粉放滿成牆,子善就專心揀吓,又拎出手機影張產品相再send畀朋友問兩句,似係問意見啦。最後,子善買咗罐乳清蛋白粉,有助增長肌肉,之後再行過對面樓上gym room搵朋友。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd