首頁 日報娛樂

報答軒仔任嘉賓 容祖兒願做代母幫生仔

23/08/2019
■對於軒仔,祖兒好感激有呢位好朋友,「成件事唔關佢事,佢有好多嘢忙,又開餐廳,11月又開自己嘅『D打騷』。」軒仔即澄清係中樂團Show。
■對於軒仔,祖兒好感激有呢位好朋友,「成件事唔關佢事,佢有好多嘢忙,又開餐廳,11月又開自己嘅『D打騷』。」軒仔即澄清係中樂團Show。 (1/4)

  容祖兒昨晚舉行第16場演唱會,終於輪到大會星級調音師兼好朋友張敬軒做嘉賓。台上兩人爆笑互串令全場笑聲不絕,為感激軒仔晚晚照顧兼做嘉賓,祖兒揚言軒仔將來如果搵不到女朋友幫佢生仔,她可以做代母,換來軒仔嫌棄一句,「做朋友就夠㗎嘞。」

  祖兒無特別介紹軒仔登場,唱到《黃色大門》一半,軒仔隨舞台升起, 觀眾起哄歡呼。唱完歌,軒仔就擁抱祖兒,並強調「你老老實實唔好亂講嘢呀。」

  但祖兒無理到軒仔,並笑言「如果關智斌係靚仔,佢一定係最靚仔,哈哈哈!」講完自己笑不停,更指軒仔係「頂級絕世帥呆男。」軒仔鞠躬多謝日行一善 。祖兒繼續玩軒仔,「你知唔知你靚喺邊?你靚喺個心到,哈哈哈。」軒仔轉數快即說,「咁啱嘅你都係呀!」講完笑的軒仔講返正經嘢,指祖兒為開Show搞到五癆七傷,「今日開騷前重去針灸同睇骨科。 我喺台底十幾晚,每晚都覺得容祖兒係值得所有最好嘅嘢發生喺佢身上。佢真係搵命搏,我未見過一個artist ,凌晨完騷喉嚨重插住六枝針,就係為咗保證第二日有一個最好狀態見大家!」聽畢軒仔一席話,祖兒亦忍不住落淚。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd