首頁 日報娛樂

自小少林寺習武 譚坤倫望打出名堂

26/08/2019
■Alan坦承除了動作戲,其他不同類型的角色都想嘗試。
■Alan坦承除了動作戲,其他不同類型的角色都想嘗試。 (1/7)

  譚坤倫(Alan)最近在劇集《包青天再起風雲》演「馬漢」,11年參加《功夫新星》入行、自小在少林寺習武的他,因導演知打得而自動加了不少動作戲給他表演,果然吸引到觀眾留意。不過Alan 本來操得一身肌肉,早前因健身整傷慘變縮水「馬漢」,但28歲的他講明唔怕辛苦,望繼續靠動作闖出一片天。

採訪:杜淑霞 場地:The AIR(The ONE)

  自6歲開始在河南省少林寺學校學習武術6年的 Alan,更在99年奪得「河南省全市武術比賽-棍術套路冠軍及劍術套路亞軍」,不過他當時並未真正愛上功夫,「嗰時父母離婚,我跟住爸爸生活,佢當日送我去學校我都未知咩事,我嗰時得幾歲,一個人過寄宿生活真係唔易捱。」

感激監製提攜

  後來媽咪接 Alan返港生活,沒有英文基礎的他已追不上學業成績,後來決心做髮型師,但11年卻參加了節目《功夫新星》,「唔知點解睇到個廣告就好想參加,其實我時都好耐冇練過功夫,但好開心畀評判惠英紅讚我有演戲潛質。」雖然冇獎,但Alan 讀完訓練班正式入行。撈了幾年閒角,直到去年劇集《天命》演暗戀唐詩詠的「林根」,因為又打得又癡情,開始被觀眾留意。之後再拍《果欄中的江湖大嫂》爆肌演出,更加多人識。對於機會愈來愈多,Alan話一定要感激幾位經常給他機會的監製,「德哥(潘嘉德)由我訓練班畢業拍第一套劇《巴不得媽媽》開始一直用我,所以佢退休我都好唔捨得。仲有要多謝,今次《包青天》同之前《天命》都畀咗好好機會我嘅莊生(莊偉建)。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd