首頁 日報娛樂

有腳傷唔行得快 滕麗名慢行Shopping

04/09/2019
■拍戲弄致腳傷,所以阿滕要慢慢行,從而比佢發現記者。
■拍戲弄致腳傷,所以阿滕要慢慢行,從而比佢發現記者。 (1/6)

  滕麗名近年主力拍無線處境劇和飲食旅遊節目,今年5月她在內地拍攝電影《尋秦記》時,因一場動作戲而不慎拉傷,導致右腳膝蓋韌帶撕裂,阿滕表示做完手術後要坐輪椅,預計3至6個月才完全康復。雖然未完全行得好好,但成日坐喺屋企真係好悶,所以日前就見佢去銅鑼灣時代廣場買高檔化妝品,坐喺度揀粉底慢慢揀,揀足半個鐘,然後再慢慢行去耀華街醫肚。採訪:梁志明

  滕麗名要拍《愛.回家之開心速遞》,今年仲接拍了電影版《尋秦記》。早前她在內地拍攝時,因為一個飛撻動作,不慎拉傷了十字韌帶,故為《愛》劇宣傳時都要撐住枴杖,翻風落雨患處又會風濕骨痛。她表示做完微創手術後仲要坐一個月輪椅,並要休養3至6個月先可以好番。阿滕曾笑言因工作時常不錫身成日受傷,所以老公每次都會話:「咁你咪無得去滑雪!」以激將法去提醒她以後拍嘢要小心。

  日前見滕麗名獨自到時代廣場睇化妝品,見佢喺高檔品牌cle de peau企咗陣,之後Sales就招呼她到counter坐低慢慢試。阿滕為揀靚色心大心細,Sales索性幫她逐隻色搽喺手試真啲,由坐低到試到埋單,前後半個鐘。買完粉底,阿滕再行去耀華街搵餐廳醫肚,因為有腳傷,所以佢要將步行速度減慢,傷上加傷會好大鑊,所以萬事小心。離開時見到記者,阿滕友善地笑一笑講拜拜,祝早日康復。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd