首頁 日報娛樂

囡囡開學 楊冪掛住拍拖 單親老竇趕買書包仔

04/09/2019
(1/11)

          去年12月,劉愷威同楊冪各自發聲明宣佈結束5年婚姻,兩人協議共同撫養5歲女兒小糯米(劉梓蘭)。其實小糯米一直長住香港並由爺爺嫲嫲湊大,前劉太無乜點理過。上周三下午,做單親爸爸9個月嘅劉愷威去商場買小朋友書包,呢位老竇無Hea揀,望一個拎一個,心大心細,仲買埋餐盒仔同文具,為女兒開學做足準備。小糯米阿媽呢?傳佢同前韓國JYP內地成員魏大勛拍拖,熱戀期係好難行開嘅。

        楊冪同劉愷威離婚半年,有傳32歲嘅前劉太搭上30歲,前韓國JYP娛樂內地成員魏大勛,事緣有網友撞見魏大勛跟女友穿情侶鞋拍拖睇展覽,二人戴口罩和帽掩人耳目,照片曝光後,網民大玩認人遊戲,發現相中女友應是楊冪,因女方左小腿上有胎記,巧合地楊冪都有相同的胎記。咁雙方當然無承認,不過,當年劉愷威同楊冪傳緋聞都否認㗎,而家呢?婚都離埋咯。

款款都好想買

  大部份國際學校已於上星期開學,就讀港島區國際學校的小糯米當然亦於上周開學,不過,主力喺內地搵食嘅劉愷威好忙,忙到上周先得閒幫個女添置新書包。當日下午,戴咗Cap帽,孭住個大黑色Tote Bag嘅劉生獨自去皇室堡Smiggle睇小朋友嘢,見佢主力睇238蚊嘅背囊仔,粉紅色、藍色同幻彩色,因為花多眼亂,劉生揀到無乜頭緒,Sales埋身力sell,又開埋袋介紹內裏間隔,劉生點點頭,然後影咗幾張相,估計Send畀個女睇,等個女自己揀。

買齊開學用品

  最終揀咗個粉紅花花款背囊仔,劉生再睇148蚊嘅水壺仔,248蚊嘅便當盒同埋28蚊嘅原子筆,全部都係粉色系,圖案又繽紛,啱晒小妹妹。劉生買足一粒鐘,以上所有嘢全部入手,買完就Call司機接走。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd