首頁 日報娛樂

拍MV首次親近女主角 張子丰被爆唔敢近女色

05/09/2019
■佩男胸壓子丰,一向怕醜的子丰表現尷尬。
■佩男胸壓子丰,一向怕醜的子丰表現尷尬。 (1/6)

  TVB新劇《法政先鋒IV》因警民關係緊張而押後推出,環星歌手張子丰趁空檔推出新歌《完美情人》,仲搵嚟25歲澳門網紅佩男合唱。日前兩人喺西貢拍MV,走型女路線嘅佩男,雖然只得平板電腦身材,但勝在夠主動,成功劈開「冰山」張子丰,在MV中親密接觸。

採訪:方騫平

  MV喺西貢取景,雖然天氣悶熱,但環星老闆張國林好緊張個仔,拎住風扇去探班監場。由於新歌係解構點先叫完美情人,子丰難免同穿着露肩裙嘅女主角有攬抱及孭背等親密鏡頭,見佩男表現投入兼主動,上背後攬到實一實。佩男還向記者爆料:「佢好內斂,有一個對望鏡頭,佢望咗一秒就好唔自在。至於揹起我呢個動作就NG咗20幾次,驚青到耳仔都紅埋,呢啲男人絕晒種。」子丰被爆唔敢近女色,不好意思說:「下一首歌可以突破啲,到時我做佢MV男主角,佢想點拍由我配合。」

互餵雪糕已好親密

  問到佩男係咪心目中嘅完美情人?子丰即避談:「係要講雙方相處嘅感覺,我眼中嘅佢係好多人嘅完美情人,而且佢把聲好好聽,唱得好好,令到首歌昇華。」佩男卻否定:「我唔係,因為冇乜身材。」張子丰尷尷尬尬話:「搵情人唔係睇身材先,至少佢感覺係正面。」兼任MV導演,問他為何不效法譚詠麟,設計攬錫場口益自己?他即說唔夠資格:「其實經已好親密,我哋仲會互餵雪糕。我對Sweet嘅嘢唔叻,以前因為怕醜冇掂過女主角,每次拍MV都同女主角分開拍。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd