首頁 日報娛樂

赴日結婚前陪準舅仔買西裝 曾國祥Man爆護王敏奕

05/09/2019
細佬好Cute
■曾國祥揀咗灰色西裝外套畀好可愛嘅細細佬試,試完一對準新人即畀意見。
細佬好Cute ■曾國祥揀咗灰色西裝外套畀好可愛嘅細細佬試,試完一對準新人即畀意見。 (1/9)

        39歲的曾國祥與27歲的王敏奕(Venus)拍拖6年,兩人將於明天在日本輕井沢舉行婚禮,據知榮升老爺的曾志偉已Call齊圈中老友余安安、鍾鎮濤及戚美珍等到當地見證,禮成後再拉隊到北海道玩。對於日本秘婚一事,曾國祥與王敏奕兩人暫未有回應。日前傍晚,曾國祥同王敏奕及女友嘅兩位細佬加糖妹去銅鑼灣利園睇兒童西裝,五個人最細係Venus嘅12歲細細佬,明顯係為小朋友置裝去參加婚禮,見曾國祥好用心揀,發現記者仲主動行前,「畀啲空間我哋吖,買衫畀細佬之嘛。」買完之後去商場中庭會合雙方媽媽,好少露面的曾國祥媽媽同準新抱仲非常好傾,兩家人關係非常好。



當日,一行五人喺名牌童裝店幫Venus的同母異父細細佬揀衫,曾國祥及王敏奕最用心,睇恤衫又睇外套,行勻全間舖,見有適合嘅會細細聲商量,揀完再拎畀細細佬試,兩人揀中一件近三千元的灰色西裝外套,估計應該買去參加胞姊婚禮之用。而二細佬就好怕醜知道有記者即行離店舖,曾國祥發現記者,禮貌行前叫記者畀啲空間,你有禮貌記者梗識做。

兩家人好融洽

  眾人空手離開,曾國祥同王敏奕刻意遮住細細佬,眾人行去商場中庭大堂位等候,原來Venus及曾國祥的母親亦在現場,期間,曾國祥返回童裝店買衫,買完再會合女友家人先一齊離開。現場觀察,王敏奕同準奶奶好好傾,兩家人相處相當融洽。據知志偉老友余安安及鍾鎮濤等已身在日本,兩人分別在ig Story貼出酒店房外的小橋流水相片及飲清酒的相片。而曾國祥同父異母的姐姐曾寶儀對二人的婚事保密,未有承認,也沒有否認,並表示留待本人回答。

  同王敏奕因拍TVB劇《女人俱樂部》成為老友嘅陳嘉寶及糖妹對其婚訊齊齊封嘴。陳嘉寶表示冇聽過,仲話就算係都好正常。而跟準新娘是閨密的糖妹則說:「我唔知道喎,冇聽過。」

採訪︰李權威

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd