首頁 日報娛樂

近距離欣賞富士山 岑樂怡黃溢濠激讚超震憾

06/09/2019
■阿妹同溢濠兩個大細路,連合照時都要鬥一餐。
■阿妹同溢濠兩個大細路,連合照時都要鬥一餐。 (1/6)

  岑樂怡(阿妹)和黃溢濠拍檔主持、現正熱播中的ViuTV節目《富士山朝聖之旅》,是兩人繼港台劇《運輸背後-三級戒備》後再度合作,阿妹更唔覺意成為溢濠的推薦人。此行是兩人首度親睹富士山,最難得有機會坐滑翔傘近距離去欣賞,他們都大讚超震撼,他們希望有機拍續集時,可以直接上山感受。 採訪:杜淑霞

髮型:Larry Ho@il colpo(黃溢濠) 服裝:Timberland(黃溢濠)

  阿妹自爆最初監製請她提議拍檔時,沒諗過搵溢濠,「我係提議咗兩個女仔先,但監製話搵男仔好啲,我咪講最近同過啲咩男藝人合作,其中一個就係溢濠,結果監製揀咗佢,溢濠同佢經理人見到我就猛話多謝,其實真係唔關我事。」

  雖然阿妹唔認做推薦人,但從溢濠勁讚她,應該拍攝時幫過對方不少。溢濠說:「我未做過主持,最初有諗過唔接,怕自己唔識講嘢,好彩阿妹幫咗我好多,佢又會教我唔使死記啲資料,之後錄番V.O.(Voice Over)就得,所以真好多謝佢㗎!」

  講到兩人都是首次朝聖富士山,他們話拍攝的每個景都超靚,特別是玩滑翔傘,阿妹話:「最初以為冇乜特別,原來咁近距離去睇富士山,真係咁靚,我真係忍唔住喊呀!」溢濠都話:「面前畀座山包圍住,真係超級震撼!」。溢濠話19日拍攝過程同台前幕後相處融洽,絕對是難得經驗,好想有機會再拍。兩人聽見監製話打算再開續集,即時好興奮,溢濠仲話:「監製話續集會直接上山,好想同阿妹一齊行上去。」不過阿妹就搞笑謂,「我想搵個新拍檔多啲,有啲新鮮感嘛!」兩人不停鬥嘴,擺明此行變了老友啦!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd