首頁 日報娛樂

多做社福回饋社會 馬浚偉開Show請黎姿上台

06/09/2019
■馬浚偉發放正能量,將於演唱會中大唱勵志歌。
■馬浚偉發放正能量,將於演唱會中大唱勵志歌。 (1/6)

  馬浚偉將於10月在演藝學院舉行7場show《Dream Big演唱會2019》,他更事先張揚有「女神」周慧敏及JW(王灝兒)、余香凝等助陣做表演嘉賓,連上市公司主席兼索人妻黎珈而(黎姿)都會係座上客,唔排除到時拉埋她加入吹水戰團,派吓正能量!採訪:方騫平 場地:富豪香港酒店

  馬浚偉演唱會名為「夢想好大」,代表他入行26年來一直無放棄過追夢:「有part叫『追夢在舞台』,團隊聯絡咗一班有演藝才華嘅社會基層表演,佢哋同我一樣,喺屋邨成長,但未必有機會去發揮,當年我都冇諗過有機會踏入娛樂圈唱歌、拍戲、出唱片、做生意、開演唱會,今次想開心share一個表演舞台畀佢哋。」

  今次馬仔請來好友陳志雲及唱得之人泳兒、JW、釗峰、余香凝和樂隊spACE做嘉賓,而10月26日生日當晚就指定同「女神」周慧敏共度,只可惜契妹鍾嘉欣不在港:「早年我同黎珈而係同門,我哋合唱過《春風報喜》及《求婚勿語》,所以會請埋佢嚟捧場,o依家好難請到美容集團上市主席上台合唱㗎嘞,到時睇情況捉埋佢上台獻『聲』傾吓偈啦;至於《夜長夢多》MV女主角張玉珊都會係座上客,上兩個月先一齊食飯敍舊,慨歎時光飛逝,咁就20幾年。」提到身邊個個女性友好都上晒岸,他笑言:「我要靠自己,相對我只開到家細公司咪慘囉,o依家仲要捱。不過,我人生睇法去到另一個方向,餘下時間,除做音樂嘢,仲會成立電影公司,搞咖啡、學校及有機產品生意,最重要係多做社福嘅事,目前經已成立咗非牟利機構。我由零到有小小能力,發覺到人生唔止搵錢,要回饋社會幫助弱勢社群。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd