首頁 日報娛樂

曹永廉讚演技好再封視后 田蕊妮坦言被讚好尷尬

06/09/2019
■對於被阿廉激讚演技,田蕊妮笑言覺得好尷尬。
■對於被阿廉激讚演技,田蕊妮笑言覺得好尷尬。 (1/6)

  停工一年的田蕊妮(阿田),在TVB新劇《她她她的少女時代》中演技再度大爆發,劇中因為結婚多年的老公曹永廉出軌,她所演的「方迎風」陷入中女危機,面對情緒起伏及對第二春壯男的慾望,笑中帶淚,阿田坦承係演技大挑戰,更曾令她一度失控爆喊。在旁的阿廉則撐她有機再封「視后」,「佢內心戲多到不得了,而且呢個角色非佢莫屬,唔係個個做得到。」採訪:方騫平化妝:Meegan Seak(田蕊妮) 髮型:Haffman@ Hair Corner 服裝:HARRISON WONG



  由廖晉碩監製的《她》講述失婚中女重拾夢想的故事,給予田蕊妮好大發揮空間。阿田指劇情貼地,朋友睇得好肉緊:「佢哋大讚監製選角好中,話阿廉好啱做呢啲小人物角色。」阿廉大笑:「套劇播咗咁耐,好多人讚阿田,我被佢蓋過晒啦!不過,佢真係可以演到失婚中女嘅內心世界,情緒高低有好多內心戲,而且一埋位就有戲做,唔會令我擔心,佢可以再做視后,直情係去到人生高峰呀。」對此,阿田發揮幽默本色說:「好少做訪問做到我咁尷尬,咁即係係時候釘蓋喇,記住同我扶靈喎,我好輕㗎咋!」

  阿田又指,因為拍攝時壓力太大,加上患上流感要抱病開工,辛苦到不得了,有場打拳戲被武指揩親塊面,可能觸及她的「神經線」而突然爆喊,嚇親全場,待她冷靜下來時要向全場人致歉。 而講到中年危機,阿廉答得招積,指在婚姻方面從來冇感受過危機,反而早年轉做兒童節目,收入大減,要緊縮開支,一度好愁冇能力養妻活兒,好彩已成過去式。阿田則坦認早年有過婚姻危機,但強調一段關係唔可以對另一半要求太高,她認真說:「自己唔係大方去包容另一半缺失,一世人冇可能所有嘢都做得啱,我都會做錯嘢,點解佢唔可以?生活上有好多矛盾微細嘢都會釀成婚姻危機,甚至我認為第三者嘅危機係最易解決,如果唔斬纜,婚姻關係即斷,就係咁簡單。真係唔知將來婚姻會點,o依家我堅守活在當下,呢刻真心對人,咁就問心無愧。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd