首頁 日報娛樂

任達華被襲後仍在休養 琦琦煮好嘢助老公補身

06/09/2019
■琦琦經過凍肉櫃,親自揀咗包新鮮豬肉。
■琦琦經過凍肉櫃,親自揀咗包新鮮豬肉。 (1/7)

  名模琦琦早前忙於照顧在內地遇襲受傷的老公任達華,之後兩夫婦再陪女兒任晴佳(Ella)到荷蘭旅遊。近日琦琦終於復工,推出自家設計的陀飛輪腕錶,她到上海出席活動時,華哥更送上驚喜,令她甜到漏。心情輕鬆的她日前偕助手到中環超巿買餸,有菜又有肉。問她係咪煮好嘢畀仍在休養嘅華哥補身時?她笑言一向都有。相信有琦琦的悉心照料,華哥好快完全康復。採訪:張詠森

  自華哥遇襲後,琦琦和女兒Ella擔心到瘦咗一個碼,幸好華哥情況已穩定,但仍須休養多一段時間才會痊瘉,期間還要做物理治療。這段時間琦琦每天為他下廚,還不斷學煮花膠,希望華哥能多吃骨膠原食物有助康復,而囡囡也有為他做甜品。早前琦琦出席上海的發佈會時,華哥神秘現身獻上巨型熊貓送給太太,令琦琦驚喜萬分!

快速買餸

  日前見到琦琦偕助手現身中環citysuper,一入內她就直接行去蔬菜區域,佢主力揀生菜、茄子及洋葱,之後再到凍肉櫃揀咗包豬肉。唔使20分鐘,琦琦就買咗成籃食物,排隊畀錢後,食物由助手拎走。她離開時見到記者,對於華哥身體狀況,她笑笑口說:「佢好番啲喇,(佢再返內地做嘢會唔會擔心?)唔會,冇擔心!」問到是否親自下廚煮好嘢畀華哥補身?她笑言:「有吖!有吖!」然後友善跟記者揮手講拜拜,之後在助手陪同到商場外上車離開。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd