首頁 日報娛樂

夫妻疏離 兩個仔黐晒洪天明 周家蔚家庭樂變透明人

06/09/2019
大仔跟實
■洪天明同仔買完文具就撳住電話離開店舖,大仔坐住行李箱緊隨。
大仔跟實 ■洪天明同仔買完文具就撳住電話離開店舖,大仔坐住行李箱緊隨。(1/9)

        洪天明同周家蔚(Janet)結婚7年,先後誕下兩子,6歲洪大仁(TJ)和4歲洪竟琋(JT),因為一家之主要經常返內地工作,湊仔責任落在洪太身上,不過,主力湊唔代表關係好,Janet就曾呻帶仔去玩但啲仔唔領情,更被串「係Daddy畀錢」,的確好Hurt。日前下午4點,洪氏一家四口去又一城行街買文具,難得家庭樂,但兩公婆表現非常疏離,記者跟足一粒鐘,兩人Keep住行到離行離列,兩個仔亦只會黐晒老竇,難怪被傳懷孕,Body略胖的洪太行街行到放晒蚊。

採訪:李權威、梁志明

        

洪天明婚前多緋聞,婚後亦唔少,最新一單發生喺17年12月,當年男方被爆在上海背老婆與辣妹夜蒲後手拖手返酒店。洪太事後力撐老公,話係一場誤會,之後天明亦強調是誤會,「我冇對我太太做出任何背叛嘅嘢。」更承認事件令周家蔚不開心,不過婚姻關係未受影響。

幫阿仔揀文具

的確,拖女事件後兩公婆無大問題發生,洪天明繼續返內地開工,周家蔚如常湊仔或約好姊妹去玩,8月25日36歲牛一,洪天明更特別飛返香港賀老婆生日。不過,兩公婆出街有別一般夫妻,鍾意各有各行,感覺關係非常之疏離。當日,難得在港的天明陪兩個仔揀文具預備開學,見天明揀咗啲做勞作嘅工具如白膠漿,買完就排隊畀錢,兩個仔一直陪住爸爸,大仔坐住小型行李箱碌嚟碌去,細仔就跳跳紮,洪太呢?唔見喎。

兩公婆零親暱

洪天明畀完錢,洪太就同工人現身,原來佢行去另一邊睇嘢。買完嘢離開,洪天明邊行邊撳電話,大仔繼續坐住行李箱代步跟住爸爸,Janet就抱住細仔殿到好後。一家人行街以一字型排開,細仔扭計落地,阿媽打喊露恰晒眼瞓,之後細仔跑前要搵爸爸抱,更邊抱邊玩老竇啲頭髮,然後眾人搭電梯再落停車場攞車,洪太呢?同老公Keep住相隔六、七個身位咁行,搵張合照都難。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd