首頁 日報娛樂

遊福岡享親子樂 陳爽推介必食活魚刺身

07/09/2019
■陳爽與老公Anthony帶子女到太宰府許願。
■陳爽與老公Anthony帶子女到太宰府許願。 (1/7)

  前港姐陳爽(Sherry)早前趁暑假與家人一行8人到日本福岡旅遊。她與老公Anthony帶4歲兒子Adrian和2歲女兒Ashley到麵包超人博物館和運河城teamLab Island遊園地玩,又去太宰府為子女求健康和平安。另外, Sherry亦有到柳川坐觀光船遊船河,她笑言哥哥上船後由緊張變得放鬆仲識得笑,反而妹妹由最初冇乜嘢,到最後因為愈坐愈熱而喊起上嚟,做阿媽嘅唯有一埋岸就買雪糕o氹女。撰文:李佩儀

  Sherry超愛到日本旅遊,因為東京同大阪經常去,見今次有老有嫩就試吓去福岡,她解釋:「因為機程只需三個半鐘,較飛東京及大阪短,大家都會舒服啲。」由於是親子遊,所以行程都會遷就小朋友。

  除了去麵包超人博物館參觀,到運河城的teamLab Island遊園地玩滑梯和巨型發光球池等都好開心。而Sherry最鍾意是到太宰府,她說:「傳說中係祈求學業最靈驗嘅地方,園景好靚,有山有水又有小橋,摸吓牛頭就可以學業進步,我哋都幫仔女許咗願求安康!」

  柳川坐觀光遊船是著名景點之一,沿途可以一邊聽船夫唱歌,一邊欣賞風景,全程逾一小時。Sherry表示:「原本哥哥上船時好緊張,但坐到一半就好relax,仲坐喺船頭睇風景;反而妹妹可能熱想離開,於是係咁喊,好在之後可以埋岸買雪糕食佢先冇事。」講起食嘢,Sherry因為一行8人,可以瘋狂歎美食,包括拉麵、天婦羅、生牛肉、烤雞翼和鰻魚飯等,而她至愛是勁受台灣及香港人歡迎的海鮮料理店「稚加榮」食刺身,她興奮表示:「一樓吧枱內有個巨大水缸可以見到好多嚟自九州嘅鮮魚,可以喺水缸揀鮮魚做刺身,我哋食咗魷魚、鮑魚同烏魚子。」她笑言小朋友玩得開心,大人就食得好滿足。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd