首頁 日報娛樂

黃宗澤撞期唔做嘉賓 關智斌嬲爆:令我心碎

07/09/2019
■Kenny、Stephy和Bosco齊出席品牌活動。
■Kenny、Stephy和Bosco齊出席品牌活動。 (1/2)

  關智斌(Kenny)、黃宗澤(Bosco)和鄧麗欣(Stephy)前晚出席品牌活動,不過當Bosco遇上Kenny竟然話:「我深感內疚、慚愧、不快兼心虛,因為兄弟一場,原本應承Kenny做佢演唱會表演嘉賓,但撞了期要飛往日本拍攝。不過我都有主動自薦為佢拍片或錄開場白,但佢唔覆短訊,可能佢嬲咗我,所以我都嬲佢,互嬲!」

  Kenny笑謂:「Bosco應該內疚,因為佢答應咗我又飛走,令我心碎!(沒有回覆Bosco短訊?)係咩,我咁衰咩?同佢拍戲3、4個月,佢經常整蠱我,分唔清佢邊句講真、邊句係假,最好的方法係『冷』處理,不聞、不問、不回覆!不過要佢拍片就實在太過大材小用,原本想佢一齊上台高歌一曲,跟住畀個膠袋佢,等佢可以還樂壇一個交代。」Kenny又透露有傳短訊恭喜張致恆註冊。至於Stephy則否認助傅穎回港發展,指對方有自己公司,不用她代勞,但承認大家有互相關注社交網站及私訊傾偈。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd