首頁 日報娛樂

為首個演唱會密密操 樂隊sp'ACE望爆肌演出

10/09/2019
■sp
■sp'ACE日前為演唱會主題曲《You're not only one》拍MV。 (1/6)

  樂隊sp'ACE將於本月21日在旺角麥花臣舉行首個演唱會《Our Gravity Concert 2019》,最近更推出演唱會主題曲《You're not only one》。主音及結他手周吉佩話個騷會以人生五大元素做主題,除了唱自己歌,都會配合主題演唱別人的歌,而成員仔女更會以特別形式參與演出。他又爆各成員已加緊操練,自己更想到時爆肌演出,型番次。 採訪:杜淑霞

  吉吉謂,雖然sp'ACE以往都有開過騷,但都是好小型,今次才是成軍7年以來首個正式的演唱會,所以五子都份外緊張,「我哋由構思主題到選歌,甚至服裝都有份參與,大家本身又有正職,所以近期真係好忙,但忙得開心。」

仔女參與演出

  五子花了兩個多月才定好演唱會主題,「我哋傾咗好耐,後尾用咗人生五大元素做主題,有咗呢啲元素人生先至會圓滿,不過暫時想賣個關子,到時大家嚟睇騷就會知。我哋會配合呢啲元素去唱我哋嘅歌,同埋人哋嘅歌。到時應該會請一個單位嘅嘉賓,仲有我哋嘅仔女都會用個特別形式參與演出。」

  為了到時以最佳狀態演出,成員都好積極健身,「樂隊開騷真係特別花體力,又演奏又要唱,喺個台度周圍走。o依家係我人生中最fit嘅時候,仲有廿幾日,希望操到腹肌出嚟,好想到時騷畀大家睇,人生點都要型番一次嘛!」談到主題曲《You're not only one》,吉吉話希望為同樣追夢的人打氣,「追夢嘅過程難免覺得孤單,但其實有好多同路人,每個人都會有相同經歷。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd