首頁 日報娛樂

揸林寶買尿片被困「老銅」 城城拖愛妻 轉戰跑馬地撐枱腳

10/09/2019
凍齡人夫
■53歲嘅凍齡城城着上T裇牛仔褲,襯番32歲愛妻Moka。
凍齡人夫 ■53歲嘅凍齡城城着上T裇牛仔褲,襯番32歲愛妻Moka。(1/10)

        曾喺電影《寒戰》系列飾演警務處處長嘅郭富城,周日揸林寶戰車踩落銅鑼灣遇正示威,吸引大批市民及記者圍觀嘅佢話「我去買尿片呀!」雖然尷尬,但聽落不知幾warm呀!為怕再被困,城城揀同愛妻方媛(Moka)二人世界,梗係要逃離鬧市。日前晚上,53歲嘅城城打扮極young襯番32歲愛妻,恩愛夫婦十指緊扣去跑馬地老牌食店撐枱腳。二人離開時拖晒手fing fing,且不時對望冧笑,十足熱戀,甜到漏呀!

郭天王今周中秋節將4度登上台北小巨蛋,舉辦「舞林密碼」巡演。「愛妻號」點忙都好都會抽時間陪吓老婆仔Moka嘅,繼馬季開鑼日兩夫婦恩愛現身沙田馬場、其後袁詠儀嘅「九月之星」生日派對,城城亦帶埋另一半融入其朋友圈中。

打扮青春

  日前周六晚上7時許,郭氏伉儷又出動放閃嘞!兩夫婦撇下兩個寶貝女,去寓所附近嘅跑馬地快閃dinner。落一落街,城嫂卸下周身名牌,僅以T恤波鞋牛仔褲casual wear上陣,仲無化妝,戴cap帽遮素顏。城城同樣着上T恤牛仔褲,襯番32歲愛妻。兩公婆在老牌粥麵店暗角撐枱腳,大半小時後十指扣緊步出,見年過半百嘅城城身材好弗。而素顏Moka就小鳥依人黐實老公。兩夫婦友善與老闆say bye後,就拖晒手fing fing興奮吹水,Moka對住老公時刻冧笑,明顯好迷戀man爆老公囉!其後二人行去泊喺雙黃線嘅林寶堅尼上車,城城聽到記者預祝佢「中秋節快樂!」即報以微笑,然後主動問記者食飯未?再着本報記者「快啲去食飯!」最後揸車返寓所湊女。

自創舞步o氹囡囡

  城城早前被邀拍攝Aaron Kwok Style 「Baby Shark Dance Challenge教學短片」,育有兩女嘅佢話:「《Baby Shark》係一首超洗腦的神曲,今次會設計出有我郭富城元素的舞步,融入大家熟悉的《對你愛不完》的轉手動作,以及《唱這歌》抱起單腳的招牌舞姿!」問到兩歲大女Chantelle會否睇佢MV一齊跳?城城笑說:「囡囡似足我,喜歡跳跳紮紮!佢好鍾意Baby Shark,所以我會播短片畀驚喜佢,令囡囡愛上爸爸版《Baby Shark》!」

採訪 : 張詠森、

李維隆

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd