首頁 日報娛樂

介紹滋賀縣忘憂景點 黃紫盈遊婚照場地歎得獎麵包

12/09/2019
■黃紫盈在English Garden餵羊,一杯糧約港幣$ 7,無限時任摸。
■黃紫盈在English Garden餵羊,一杯糧約港幣$ 7,無限時任摸。 (1/7)

  前新聞主播黃紫盈早前到日本關西滋賀縣拍攝全新旅遊節目《盈遊滋賀》,她到了全日本最大的湖,琵琶湖拍攝,她表示琵琶湖大到好似海一樣。琵琶湖周邊有好多景點及美食,今次她選擇介紹新興影婚紗相的English Garden,因地方大,有山有湖又有牧場,而且有很多特色花園和小屋。另一間全白設計的J'oublie le temps Cafe都好特別,可以對住湖景食特色麵包,當中更有獲獎麵包,一試難忘。  撰文:李佩儀



  黃紫盈拍攝咗4日,對English Garden及J'oublie le temps Cafe讚不絕口。她表示:「English Garden有過萬平方米真係好大,你可以搭火車上小山丘,行路上去又得,嗰度有個牧場,有得餵羊同馬,跟住又有葡萄園同好多特色小屋;行去另一邊有個主題花園同小湖,種咗好多唔同嘅花,室內室外都有,好多影相靚位,所以成為當地新興嘅影婚紗相地方。」

  J'oublie le temps Cafe都好有特色,黄紫盈說:「成棟建築都係白色,上到一樓可以買麵包,其中一款signature嘅麵包係喺入面放年輪蛋糕,仲有幾款得獎麵包可以試;二樓就可以一邊飲咖啡或特色果汁,一邊欣賞琵琶湖嘅景色。」Cafe的名字是法文,解作「我忘記了時間」,希望大家入到去可以無憂無慮。這次她還有很多美食推介,近江牛和近江米必定要試,她說:「當地嘅近江牛係三大和牛之一,肉質好嫩又Juicy;而近江米係你一入席,餐廳會用瓦煲煮30分鐘,咁煮可以鎖住水份出嚟更彈牙,送和牛一流。」而節目逢周一可在Yahoo TV和個人社交網站收看。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd