首頁 日報娛樂

天后快做大姑媽 祖兒胞弟護大肚妻買電器 

13/09/2019
■祖兒媽同新抱仔有商有量,關係唔錯。
■祖兒媽同新抱仔有商有量,關係唔錯。 (1/6)

  今年六月初,容祖兒胞弟容逸恆(Samuel)結婚,榮升大姑奶嘅祖兒好開心,在社交網上載多張婚禮照,更寫下千字文恭喜細佬,「希望他們能生多幾個鼻高高的Baby,那就完美啦!」祖兒願望話咁快就達成。上周日下午,祖兒媽同祖兒胞弟及佗巨肚弟婦去銅鑼灣買嘢,三人先去電器舖睇幾款電器,然後再去超市買餸打邊爐,奶奶同新抱仔幾好傾關係唔錯,祖兒弟婦不時摸實巨肚嗲Samuel,孭住大環保袋嘅佢負責拖住老婆行,全程勁溫馨。採訪:梁志明

  容祖兒自年初承認跟拍拖5年的劉浩龍分手後傳出兩單緋聞,一單係傳跟楊受成兒子楊政龍拍拖,但人家名草有主,女友黃子菲亦已懷孕。最新一單被爆戀上王菀之已婚叔仔Gavin So,被緋聞嚇醒嘅祖兒回應:「真係唔好意思,又拖咗另外一個兄弟落水,我哋絕對無發展嘅機會,知道大家對我嘅感情未有着落,都好緊張,但我有好消息一定會告訴大家。」

婆媳關係好

  大家唔使擔心祖兒會寂寞,因為佢大把Friend,加上又就嚟有BB玩,目測佢弟婦個肚都應該有七個月,快㗎嘞。當日下晝五點,祖兒媽一行三人先去電器舖,睇抽濕機、藍光除蟎吸塵機同電飯煲,三人對三樣電器都好有興趣,奶奶同新抱仔互畀意見,有店員行近作推銷,一家人有商有量,之後無買到嘢就去附近超市買餸,主力祖兒媽負責買,見佢入手魚蛋、牛丸、魚片同大量瓜菜,應該當晚喺屋企打邊爐。買完嘢,祖兒媽行先,祖兒細佬就拖實大肚老婆行去附近停車場攞車。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd