首頁 日報娛樂

約21歲小鮮肉食Lunch 葉蒨文冧滋滋傾唔停

16/09/2019
■食完Lunch離開餐廳,兩人繼續傾無停過。
■食完Lunch離開餐廳,兩人繼續傾無停過。 (1/7)

  57歲嘅葉蒨文(Sally)近年多咗蒲頭,不久前任鄭秀文演唱會嘉賓,年中又替老公林子祥嘅演唱會做策劃,出心出力非常幫得手。日前下晝,戴住絨氈帽嘅Sally約咗位小鮮肉喺Landmark食Lunch,兩人年齡雖然相差36年,但非常好傾,特別係Sally姨姨,全程冧滋滋,特別一提,小鮮肉並非二打六,佢係目前香港非常有前途嘅天才舞台劇導演陳恩碩(Tom),今年21歲咋。採訪:張詠森

  多得鄭丹瑞引薦陳恩碩擔任林子祥演唱會導演,成績大獲好評,演唱會完結後,林子祥葉蒨文夫婦比阿旦更錫陳恩碩,去到錫到燶程度,陳導演執導嘅最新音樂劇《我們的青春日誌》,Sally亦有去捧場,仲影晒合照支持。

  日前下晝1點,Sally同Tom喺中環CAFÉ LANDMARK食Lunch,後生仔好胃口,食馳名龍蝦意粉,Sally就食三文治。雖然Sally做得Tom個阿婆或阿嫲,但兩個人好好傾,好傾程度係完全無間斷,期間,Tom畀咗份嘢Sally,後者畀返封利是前者,小導演合十多謝,估計Tom幫Sally買嘢。之後Sally拆開份嘢,內裡有帽有一疊印刷品同一個碗,睇完就去廁所,返埋位再簽卡找數然後離開。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd