首頁 日報娛樂

開班教煮餸企到攰 71歲黃淑儀狂試健康坐墊

18/09/2019
■GiGi姐試坐墊時,不時同好友分享感受。
■GiGi姐試坐墊時,不時同好友分享感受。 (1/7)

  71歲嘅資深藝人黃淑儀(GiGi姐),演技精湛,連廚藝都非常出眾,曾出多本烹飪書又主持過大台節目《吾湯吾水》及《吾淑吾食》等飲食節目。近日,GiGi姐更喺廚藝中心開班,分享烹飪心得。日前下午,見佢和女友人約埋行又一城,其間GiGi姐喺一間生活專門店打躉,主攻睇健康坐墊。見佢問長問短連試幾款,似乎好需要買番個喎! 採訪:李權威

  熱愛下廚又間中拍劇嘅GiGi姐,早前疑不忿阿仔徐肇平拒簽長約而被無線雪藏,搞到阿媽睇唔過眼大台「蝦」佢阿仔,咁啱今年1月GiGi姐約滿TVB後,早前過檔為ViuTV拍攝飲食節目《Cooking GiGi 台灣篇》。而31歲高大兒子徐肇平近日亦獲ViuTV賞識,拍攝劇集《娛樂風雲》。

  廚神GiGi姐日前喺一個廚藝中心舉行「黃淑儀GiGi姐滋味亞洲風味菜」教授班,教大家煮泰式烤魚。日前下午4時,見佢好悠閒咁約咗個好姊妹行又一城。當日GiGi姐戴住頂闊邊紅帽遮樣,兩人漫無目的周圍逛。行至一間生活專門店時,GiGi姐發現有個攤位專賣健康坐墊,即時行去睇睇。見佢細心睇完說明書後,就即場試坐,其間一邊試一邊向女店員查詢,隱約聽到佢話「想腰骨舒服啲」。最後逗留約15分鐘,GiGi姐雖然無幫襯,但拎咗幾張catalogue走人,似乎真係有心買㗎!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd