首頁 日報娛樂

驚爆婚變後首曝光 龔慈恩神隱半個月出關 掃凍齡食品

19/09/2019
心事重重
■龔慈恩在超市逗留約45分鐘,買咗成車食物,臨畀錢前突呆望地下似有心事。
心事重重 ■龔慈恩在超市逗留約45分鐘,買咗成車食物,臨畀錢前突呆望地下似有心事。(1/8)

  本周二(17日)56歲生日嘅龔慈恩(公仔),20年前嫁畀台灣男星林煒,婚後為照顧一對子女曾淡出娛樂圈,做全職幸福師奶。惟月初台灣爆出林煒另結新歡,原來兩夫婦早已分居兩年,並低調辦理離婚手續。驚爆婚變後,公仔雖有在社交網抒發心情,卻未有現身。周日(15日),神隱半個月嘅佢終於出關,獨自現身銅鑼灣。見失婚婦有化妝氣息唔錯,揸車往禮頓中心一間超市掃貨,揀咗新鮮果汁、鮮奶、粟米片、蒸餾水、蔬果等,買夠兩大袋凍齡食品走人。

採訪 : 梁志明

  龔慈恩早於99年與當年拍劇撻着嘅台灣男星林煒在多倫多結婚,其後誕下大女林愷鈴(Ashley)及幼子林卓毅。可惜幸福一家早現暗湧,月頭台灣報道林煒與一位女總裁劉灼梅當街攬錫,事後林煒承認女方係交往三個月嘅新歡,而佢與龔慈恩已分居兩年。

  突爆出婚變消息,公仔經理人Elaine回應:「林煒和龔姐早已分居,也已在低調的辦理離婚手續!他們主要是因為長期分隔兩地...子女也很理解及尊重他們的決定!龔姐真誠的祝福林煒生活美滿幸福。」失婚公仔亦親自在社交網發文,抒發婚變心情:「已經是很久以前的事了,只是大家都是低調的人,就讓一切淡淡的忘懷吧!……衷心的祝福!」

掃果汁鮮奶

  周日下午5時,同阿女一齊住嘅龔慈恩獨自揸車往禮頓中心一間超市掃貨。見佢當日有化妝,皮膚白滑,精神幾好。一個人推住架車仔大手shopping,先買咗兩支大樽裝鮮榨橙汁、幾盒高鈣奶,再揀煉奶、麥皮、粟米片等。之後連飲品都掃一餐,買咗幾支烏龍茶後,就開始研究樽裝水,再買多一pack蒸餾水。最後,公仔買多幾個杯麵才畀錢走人。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd