首頁 日報娛樂

與葉童演舞台劇勁緊張 唐貝詩興奮同高手過招

20/09/2019
■唐貝詩今次是第二次飾演舞台劇,她表示既緊張又期待。
■唐貝詩今次是第二次飾演舞台劇,她表示既緊張又期待。 (1/7)

  寇鴻萍大女唐貝詩(Lydia)近年專注拍電影,15年首次跟鄧樹榮老師學演戲,今年初對方邀請她參演其執導的舞台劇《死人的手機》,與葉童及一眾資深舞台劇演員合作,令她非常緊張。由於角色性格跟現實中的她有很大出入,Lydia坦言是個挑戰。幸好每次排戲前,導演會安排工作坊給各演員交流和入戲,Lydia笑言經常跟「高手」過招真係學到嘢,可藉此磨練演技。撰文:李佩儀 攝影:李權威

  舞台劇講述有人死於咖啡室,死者隔離枱的女仔聽到死者手機不斷響,跟住進入咗死者的世界。很多朋友以為舞台劇屬靈異類,Lydia說:「其實係講科技,講現代人對於手機嘅依賴同着重,有少少黑色幽默。」今次她在劇中飾演死者的情人,葉童是死者的媽媽。問她與葉童多對手戲嗎?她坦言:「得一場戲,仲要係好間接,不過每次排戲前都有唔同嘅工作坊,所以都有好多交流。」

  對於工作坊的安排,Lydia覺得好好,因為導演會教演員好多唔同嘅演戲方法,而排戲亦令她覺得震撼,她坦言:「可以近距離睇住演員喺演繹上嘅變化,真係學到好多嘢!」由於面對幾位有經驗的演員,她一方面好緊張,一方面又令她好放心去演戲,因可帶動她入戲。現時Lydia幾乎每日都要排9個鐘戲,問今次的角色挑戰很大嗎?她直言:「角色性格同現實中嘅我有好大出入,所以都有難度,但可以試演唔同嘅人,都係演戲嘅樂趣。」而她最欣賞葉童演出葬禮嗰場,她解釋:「因為呢場係喊位,葉童姐姐講嗰段speech又好有詩意。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd