首頁 日報娛樂

簽邵氏大展拳腳 關楚耀谷新歌後強攻影視圈

21/09/2019
■關楚耀承認受大環境影響收入大減。
■關楚耀承認受大環境影響收入大減。 (1/7)

  近月香港局勢大亂致市道低迷,娛樂圈亦成了重災區,關楚耀(Kelvin)亦大呻收入大減,中、港兩地工作同樣受阻,延誤及取消了4至5個job,包括最愛的一個攝影活動及唱歌show。不過他唔覺係黑仔,近日已簽約邵氏,打算衝出埋歌壇,在影視圈大展拳腳。日前,他宣傳新歌《樹窿》時,表示現正努力為將來出擊做好準備。採訪:方騫平 場地:Coffee Art@新都城



  半年前關楚耀出過歌曲《寫真家》反應唔錯,本想食住個勢,把握暑假黃金檔期,6月推出帶有青春熱血曲風的新歌《樹窿》,卻受社會狀況影響押後至今,亦因為好多活動被取消,Kelvin有多餘時間,可以集中火力宣傳新歌,他表示新歌講一種被動的感情,最開心返到90年代走日本漫畫曲風,帶點清爽感覺。

  36歲的Kelvin說:「我需要呢種青春,有啲活力,36歲唔叫老又唔算後生,不過唱得悲情歌《你當我什麼》、《悲哀代言人》多都想轉吓,至少冇咁悲情。好多謝人母方皓玟抽時間作曲,其實兩年幾前我開始問佢攞歌,佢忙完自己嘢,前幾個月先起貨,當中有個自彈自唱版本,希望年底可以開得成演唱會即席表演。」

計劃年底開演唱會

  近陣子Kelvin收入減半,自言量入為出要慳住用:「o依家雖然咁多負能量,不過,我成日同自己講,點樣唔開心、無心機都要行落去,都係要食飯及生活,希望新歌帶出正能量。自從早年拍過電視劇《特技人》愛上拍劇,故最近簽咗邵氏搵新機會,另一廂亦會跟朋友傾吓做生意,謀求更多出路。」



其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd