首頁 日報娛樂

新劇煞科後好清閒 51歲郭少芸喪買零食煲劇

21/09/2019
■年過半百嘅郭少芸,算keep得唔錯。
■年過半百嘅郭少芸,算keep得唔錯。 (1/6)

  上月51歲生日嘅郭少芸(Florence),前年7月宣佈約滿無線,但兩個月後即重返娘家,仲劇接劇冇停手,做生不如做熟嘛。月前,Florence拍完新劇《大醬園》後,暫未有劇喺身,就不時宅喺屋企睇戲煲劇。日前晚上7時,見佢和女助手現身銅鑼灣時代廣場嘅超市,買咗成堆粟米片、零食、壽司等等,估計又係買嚟煲劇時邊睇邊食啦!        採訪 : 梁志明

  郭少芸92年參選港姐入行,二十幾年嚟一直忠心效力無線,尤其扮演倀雞巴渣潑辣角色,入型入格㗎!早前,佢接拍民初劇《大醬園》,呢套劇後尾傳出朱晨麗和龔嘉欣不和,之但係Florence不知拍得幾happy,日日對住年紀差唔多嘅樊奕敏和車婉婉飾演三位少奶奶,感情與日俱增,月前煞科仲大呻好唔捨得添呀!

買足一小時

  休息其間,Florence除咗間中返內地登場搵人仔,單身嘅佢其餘時間都係陪媽咪歎茶食好西,同埋宅喺屋企睇戲煲劇。日前晚上,見佢着得好隨意咁去時代廣場嘅超市上糧。化晒妝嘅佢和女助手喺超市慢慢揀,慢慢買,見佢買咗煙三文魚、幾包大粟米片、盒裝拉麵、烏冬、醬料和蝦條等等,逗留成個鐘才捨得畀錢走人。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd