首頁 日報娛樂

笑對女兒反白眼 林海峰《是但噏》感謝公正母親

21/09/2019
■Jan為《是但噏》使出渾身解數。
■Jan為《是但噏》使出渾身解數。 (1/4)

  林海峰(Jan)的《是但噏Happy Monday》棟篤笑前晚在紅館揭幕,他在台上道盡打工仔心聲,更自認「失敗」,笑談和女兒相處時被反白眼對待!Jan亦自認「不孝」,但不忘感謝當年和弟弟打架時,獲母親公平、公正、公開地處理。

  Jan前晚一人聲演上司、下屬、狗仔、男女外,更載歌載舞兼做一字馬,又和表演嘉賓黃秋生和葛民輝合唱多首歌曲鼓勵港人。

  Jan更分享與兩位女兒相處點滴道,「我屋企都有兩個公主,一個19歲、一個15歲,19歲嗰個着啲裙又薄又輕又短,睇到我心都跳埋出來。當反叛期(兩個女)遇上更年期(自己),食飯都好大件事,兩個女去到餐廳話要自己睇餐牌點菜,但好有型咁,每睇一行就向我反白眼!俗語話『成功男人背後有個女人,而失敗爸爸背後總有一、兩個反白眼的仔女』。」

家有兩個反叛公主

  講到打工仔心聲,Jan說:「以前工作係恩賜、休息係放肆,今日變成加班係恩賜、加薪係放肆!今日份工……大部份係『正衰工』。打工仔因為太辛苦經常喊住話想放假,但畀我揀會揀放監,因放監唔使返去坐,放假就不過是放風!」

  另外,Jan亦借機謝母恩道,「我細個好百厭,有次同細佬打交,阿媽兩個都打,打到藤條都爛,唔知我還是細佬話要登報脫離母子關係,好彩無;因為咁啱隔籬屋又有兩個仔打交、又係姓林,但林師奶剩係打一個,另一個讚乖要請食雪糕,之後咪打得更勁、打到家變!所以如果今日登報,我會話『本人林海峰及細佬曉峰,感謝我媽以公平、公正、公開嘅方式處理我兩兄弟,絕無大細超,不孝子上!』」完場時,大會升起一幅寫有Jan新歌歌名《努力!奮鬥!加油!》的巨幕,為港人打氣!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd