首頁 日報娛樂

約動作指導Chris Collins食嘢 44歲雪兒由頭Firm到落腳

23/09/2019
■雖然已屆熟女之齡,但Michelle真心無乜走樣,身形仲Fit過唔少少女。
■雖然已屆熟女之齡,但Michelle真心無乜走樣,身形仲Fit過唔少少女。 (1/7)

  1997年,鄭雪兒(Michelle Saram)因為同郭富城合拍一個電訊公司廣告而爆紅,之後入行拍劇又拍電影仲出過唱片,歌影視玩晒。2010年嫁予酒店業富商Ajai Zecha後定居新加坡淡出幕前,過幸福少奶奶生活。17年,Michelle復出拍《殺破狼·貪狼》,4字頭無老態,由頭Firm到落腳。日前就見到佢同老友兼電影動作指導兼巴西柔術導師Chris Collins現身ifc,着貼身白Tee加黑色貼身褲嘅Michelle真係好Fit,最緊要連塊面都好緊緻,仲好水潤㖭。採訪:李權威



  講到凍齡心得,Michelle話,「一定要有充足睡眠,唔使做嘅時候,夜晚10點瞓覺朝早7點起身,然後要帶幾隻狗散步,跟住返嚟整早餐睇吓書再做gym。」近年茹素的她表示向來消化系統麻麻,戒食肉後感覺更健康:「少食肉我反而覺得仲有energy,另外最緊要係心情開朗,個人開心對外表都有影響。」各絲打收到未?

快揀沙律

  日前下晝3點,緊緻Michelle同Chris現身ifc,見兩人去咗一間食店,Chris負責買,但身為Michelle老友竟然唔知女方係食素,差啲幫對方買咗漢堡包,之後Michelle自己行去超市買沙律,見佢望咗陣已有心水,買完再會合老友行去搭的士。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd