首頁 日報娛樂

產後五個月未收晒身 單文柔單拖買奶好頭痕

03/10/2019
■未收晒身嘅陳太買完嘢Call Uber返歸。
■未收晒身嘅陳太買完嘢Call Uber返歸。(1/6)

        今年四月,前港姐單文柔(Phoebe)為陳展鵬誕下女兒「小豬比」,日前陳太在ig公開囡囡真身,肥嘟嘟又靚女獲網民瘋狂讚得意。日前傍晚六點,陳太去銅鑼灣時代廣場地庫超市Shopping,佢主力買食落口嘅嘢,如盒裝奶啦,生果啦,蛋糕仔啦同麵包等,可能奶類選擇太多,陳太揀咗好耐,雖然好多人話湊女可以收身,但望落陳太仲係有幾多肉,下盤仲非常穩健。

陳展鵬近日忙於同林夏薇趕拍TVB新劇《逆天奇案》,而陳太就忙於湊BB,展鵬話老婆暫時只做KOL,會減少幕前工作。

陳太認真揀奶

  日前傍晚,化咗妝,着住白Tee加藍色濶褲的單文柔獨自現身Citysuper,見佢拎住籃先去買盒裝奶,由於選擇好多,有本地嘅又有日本嘅,全脂低脂嘅又有一大堆,陳太揀到彎晒身,左手一盒,右手又一盒,茫無頭緒惟有影相問吓人,最後揀咗15分鐘入手北海道3.7牛奶,然後再買生果、牛肉、泡菜,最後買埋抹茶蛋糕同麵包,行咗45分鐘滿載而歸,雖然陳太當日衣着唔算太貼身,但可見佢仍然未收晒身,手臂,腰位都幾厚切,下身是重災區。

採訪:梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd