首頁 日報娛樂

闊別3年 牛一開演唱會 泳兒搏盡挑戰上紅館

04/10/2019
■泳兒會努力去操fit,唔介意喺舞台上露些少。
■泳兒會努力去操fit,唔介意喺舞台上露些少。 (1/7)

   本月16日37歲生日的泳兒(Vincy)送給自己的賀禮,就是當晚於九展舉行《重新感應泳兒演唱會》。距離上次開show經已有3年,加上同fans齊齊賀壽好有意思,原來當晚還有深層意義:「我希望今次畀到公司強心針,視為登陸紅館show前嘅一次熱身,因為紅館有輪椅位,到時仲可以推埋媽咪入場見證,所以會竭盡所能,唔會留力。」

採訪:方騫平 場地:港島太平洋酒店 Island Pacific Hotel

服裝:noveltylane 髮型:Franco Chung @Leonardo 3 Hair Corner 化妝:木子維納_Vena

  泳兒出道13年開咗8次個唱,初出道差不多年年開小型演唱會,但卻喻今次個唱為「升級試」,係挑戰上紅館的階梯:「今次主題叫《重新感應泳兒演唱會》,係畀機會我重新感受自己喺樂壇、音樂事業上仲想做啲乜嘢,亦都希望入場觀眾感受到我呢3年嚟心態上嘅改變及成長。以前我屬於被動型,直至提出做暗黑系列新歌《野木蘭》,開始進取,今次個唱有加入個人意見、心思落去,當然要求有狂野、恐怖演出,雖然我唔介意着性感戰衣,但唔想以性感搶fo,要睇美感、健康、安全,同埋行乜風格!睇番多年前《十二個我》黑色bra top同埋白色裙心口開咗個大窿嘅性感MV造型,真係不堪回首,好嘩然!但,每個歌手都會經歷過唔同時期,我班fans都唔太鍾意我露太多,而且我身材只係普通貨,唔叫好肉哋,對比新加坡同學直情係冇嘢睇,可能我細細粒,視覺上覺得豐滿。」

唔覺身材好

  問到會否邀請被指撞樣「姊妹」許靖韻做表演嘉賓?她即說:「嘉賓未定實呀……而且似張曼玉、舒淇就話啫,要似梗係似女神好啦,似泳兒都唔知戥對方開心定唔開心,我唔介意成日俾人話撞樣,但會替對方咁諗。年前我搵咗許靖韻、容羨媛、許願一齊拍《四不像》MV自嘲一吓,反正自己又唔係賣樣,都得啖笑囉。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd