首頁 日報娛樂

犧牲首期做音樂圓歌手夢 張彥博揚言個唱會玩變態嘢

04/10/2019
■張彥博賣關子,強調演唱會唔止唱歌同晒肌咁簡單。
■張彥博賣關子,強調演唱會唔止唱歌同晒肌咁簡單。 (1/6)

  本周六39歲的張彥博近日為應付10月15日舉行的演唱會秘密練兵,據知阿博已預咗在演唱會上「找數」,將會騷肌登場,所以日前同70歲老竇去沙灘曬日光浴,希望曬出一身古銅膚色,搣甩青靚白淨O靚仔味。他接受訪問時得戚地事先張揚,入場唔單止聽他唱歌,睇他玩樂器、有機會欣賞他的肌肉外,更大爆「導演度咗啲非常變態嘅嘢玩,只係怕觀眾頂唔順啫!」採訪:方騫平 場地:工創空間lndex@觀塘

  憑TVB劇《跳躍生命線》彈起,首度入圍TVB「最佳男配角」的張彥博好進取,去年12月開完處男《Good Day演唱會》後,相隔10個月乘勢追擊做《MORE音樂會》,開騷前更重本花費6位數字製作了3首新歌來圓歌手夢,甚至專程去馬來西亞找來前輩指導他唱國語歌。阿博坦認使晒做首期的積蓄做音樂,為咗慳住使,最近仲結束獨居生活,搬返屋企「黐」父母,每月又慳返筆租金,食住都得到照顧,咁樣手頭會較鬆動。

唔介意着內褲上台

  開Show前夕,阿博心情興奮:「一年開一次個唱好刺激,想有個show去鞭策自己進步,畀大家睇到我嘅body、個人風格、音樂等轉變。到時可能唔止show肌咁簡單,因為導演諗咗啲非常變態嘅嘢!就算好似杜德偉咁着水晶內褲演出都冇問題,咪當着住泳褲咁囉,只係觀點與角度唔同啫,為藝術犧牲嘅藝人大有人在。」問到會否借個舞台畀老友張致恆同觀眾接觸,等大家可以再度接受他?阿博即說:「佢要時間處理屋企嘢先,真係幫佢係畀個空間佢,總之在心中啦!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd