首頁 日報娛樂

果然係最美麗嫲嫲 朱玲玲甜甜笑陪老公睇戲

04/10/2019
■朱玲玲不時對老公羅康瑞甜笑。
■朱玲玲不時對老公羅康瑞甜笑。 (1/6)

  61歲「最美麗港姐」朱玲玲育有三子,長子霍啟剛與「跳水皇后」太太郭晶晶結婚7年已誕下一仔兩女。朱玲玲每次提起3粒孫都好雀躍,不過湊孫之餘,她都會陪老公羅康瑞周圍去。不經不覺,朱玲玲改嫁羅康瑞已差不多11年,至今仍非常恩愛,早前他們相約友人到中環睇戲。平日打扮較樸素的朱玲玲,當日穿白色衫內襯Shocking Pink背心現身,再配個紅唇好搶眼。採訪:張詠森

  08年11月,朱玲玲與百億身家羅康瑞在新加坡再婚,婚後他們經常出雙入對。閒時朱玲玲以湊孫為樂,她曾在公開場合時表示湊孫好好玩,而且羅氏伉儷還很熱愛運動,男方愛習武、已練詠春多年;女方就keep住打羽毛球,非常健康,難怪朱玲玲六十有一,仍keep得好好,既是最美麗的港姐,也是最美麗的嫲嫲。

  平日打扮講究的朱玲玲,一向愛白色、肉色和深灰色等素色裝扮。不過早前她與老公相約友人到中環ifc睇戲時,以黑白look現身的她,看似低調,不過一擰轉身,原來內穿Shocking Pink背心,加埋個紅唇非常搶眼。雖然已61歲但因為keep得好好,橫睇豎睇都唔似有3個孫嘅嫲嫲。由於未夠鐘開場,一行4人企喺戲院門口吹水閒聊,朱玲玲更不時向老公甜笑,表現好Sweet。傾咗約10分鐘,終於都可以入場。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd