首頁 日報娛樂

主動撩小妹妹同狗仔 欣宜母性超澎湃

04/10/2019
■欣宜同小妹妹玩得好開心,揮手揮到好大動作。
■欣宜同小妹妹玩得好開心,揮手揮到好大動作。 (1/7)

  鄭欣宜話咁快32歲,雖然單身一段時間,但佢遺傳咗肥姐嘅多Friend基因,唔怕寂寞又唔怕悶,最重要當事人好識得自娛。日前夜晚7點,欣宜同助手去銅鑼灣利園食飯,慢食兩個鐘,離開時欣宜先後見到一個妹妹仔同一隻可愛柴犬,母性澎湃嘅佢主動出手撩,又揮手又擊掌又摸又剩,o氹得自己好開心,幾好吖。採訪:梁志明



  寫呢份稿要翻查資料,發現欣宜曝光率都幾高,咩活動都有佢份,新聞提到呢期佢沉迷煲劇,晚晚好夜都唔願瞓,搞到黑眼圈愈嚟愈黑甚至係咁生暗瘡。另外,佢又表示愛上拍片同剪片,不時喺屋企拍攝跳舞及唱歌的片段同歌迷分享,都係嗰句,佢好識自娛。

  當晚七點,欣宜同推住小型行李箱嘅助手去咗利園三期食點心做晚餐,兩個人食咗兩粒鐘,應該傾得好開心,離開時,助手打電話Call司機,欣宜就睇中一個年約兩歲嘅可愛小妹妹,先Say Hi再擊掌,之後不斷擺動Body同妹妹Say Bye,又飛吻咁樣,玩得好開心。之後欣宜行出利園等車,離遠見到有柴犬喺門口已經望到實,之後行前再主動摸,狗友好友善,狗狗就更友善,任摸唔嬲好得意,過完手癮後欣宜滿足地等上車。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd