首頁 日報娛樂

着露腰裝巡銅鑼灣 素顏鄭融獨食餃子

04/10/2019
■呢期戴黑色口罩出街好危險,鄭融要留意呀!
■呢期戴黑色口罩出街好危險,鄭融要留意呀! (1/7)

  沉寂咗一輪嘅歌手鄭融(Stephanie),除咗7月上紅館做好友Sammi演唱會嘉賓,二人合唱《紅綠燈》時搞喊人妻,之後又「消失」幕前嘞!日前傍晚6時,本報記者在銅鑼灣巧遇Stephanie,當日見佢無化妝獨自去平民小店食湯餃,其間勁怕被人認出,個頭有咁低耷咁低,食飽即戴回黑色口罩,遮番個樣先安心走人。 採訪 : 梁志明

  雙十節就踏入35歲嘅鄭融,同外籍男友Martin拍拖逾8年,17年生日時曾表示「係時候可以諗吓結婚」,等緊另一半求婚。唔知下星期牛一會否有喜訊呢?Ready等嫁嘅Stephanie近月好少曝光,不過見佢社交網誌都有po吓近況,月前去咗馬來西亞拍旅遊節目,之後返內地江門開簽唱會,上月就去咗捧好友Kenny關智斌嘅處男紅館騷。

  日前傍晚6時,身材嬌小嘅Stephanie戴帽戴黑色口罩現身銅鑼灣渣甸街,急步去咗一間平民上海菜館食湯餃和飲豆漿。見佢一邊食一邊玩手機,仲全程耷低頭,好怕人認出。約廿分鐘後,醫飽個肚,鄭融馬上「蒙面」畀錢離開。其後,佢行去百德新街一間餐廳搵女友人happy hour。三女並排坐笑笑口好好傾,點咗杯熱檸茶嘅Stephanie風騷吹水其間突然手郁郁跳舞,友人見狀叫佢收歛啲,Stephanie即嘟嘟嘴好無癮,最後傾多半個鐘才分頭走人。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd