首頁 日報娛樂

萬聖節前獲老公批准開騷 麥潔文唱「鬼歌」嚇觀眾

04/10/2019
■麥潔文不擔心旺角或有亂局影響演出:「呢個時候人人都需要娛樂,唔開心可以聽吓歌,睇吓表演,忘記唔開心嘅嘢。」
■麥潔文不擔心旺角或有亂局影響演出:「呢個時候人人都需要娛樂,唔開心可以聽吓歌,睇吓表演,忘記唔開心嘅嘢。」 (1/7)

  麥潔文(Kitman)仔大女大終於可以甩身,老公江華亦開綠燈,准許她任唱任玩,她於本月16日喺麥花臣球場做一場《BACK月黑風高旺角夜演唱會》,由於個唱喺萬聖節前夕舉行,Kitman當然唔少得揀唱佢有份主演的鬼片《靈氣迫人》主題曲《夜夜痴纏》啦,她說:「呢首歌真係好邪,10年前開演唱會唱呢首歌時,工作人員親眼目擊放喺台邊支樽裝水,個樽蓋突然卜一聲彈咗出嚟,真係不可思議。」 採訪:方騫平 場地:葡匯咪走雞葡國餐廳@美麗華廣場2期

  2015年Kitman完成《靚聲大使麥潔文演唱會》後就一直吊歌癮,所以今次勁興奮,會唱好多自己歌,包括《萊茵河之戀》、《勁舞Dancing Queen》、《路黑山高錫人夜》等來娛賓,亦會串燒唱6、70年代粵語流行曲,如《情花開》,連老公江華都玩埋一份合唱。麥潔文更爆老公忙於練歌,朝朝落街開聲:「其實佢出過唱片都唱得嘅,只係放低太耐生疏咗,練返聲絕對唔會影衰我。以前我哋出過舊歌翻唱合唱碟,反應唔錯,如果今次老公『考試』過關,可以考慮搞個夫妻檔演唱會,但唔會預埋阿囡(陳薔天)玩,始終大家年齡層唔同。」

  演唱會上一定會唱到當年電台禁播鬼歌《夜夜癡纏》,仲打算製造埋驚嚇效果,熒幕播恐怖鬼樣出嚟,嚇觀眾一驚,Kitman說:「我喺電影《靈氣迫人》度演女鬼,因為知道死因,所以唱主題曲時好到肉,加上配音時導演要求我哼出一段嗚嗚聲,當時環境昏黑,睇住女鬼畫面加埋氣氛都毛管戙。雖然好多電台DJ話,曾試過深宵播歌時發生好多怪事,但都係得個聽字,直至10年前個唱上『嚟料』,出現飛水樽蓋事件,相當奇怪,真係好邪呀。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd