首頁 日報娛樂

轉天氣 索媽皮膚敏感 孫佳君買藥急救後 風騷晒火辣Body

04/10/2019
掃補充劑
■當日,孫佳君買完藥醫塊面,仲順便掃咗一堆維他命等supplement。
掃補充劑 ■當日,孫佳君買完藥醫塊面,仲順便掃咗一堆維他命等supplement。(1/8)

        45歲嘅兩子之母孫佳君,dry咗幾年唔急拍拖,坦言依家花時間工作、照顧小朋友及keep fit扮靚,根本無暇拍拖。日前一連兩日,見愛周遊列國歎世界嘅佢現身銅鑼灣,一日去釘耳窿;另一日就戴上黑超太陽帽等,頭耷耷去連鎖店買藥,急救泛紅嘅敏感肌膚。靚樣火速好番,單親辣媽心情勁靚,日前在社交網風騷大晒C Cup「雪球」派福利!採訪 : 梁志明、李維隆、李權威

        性感辣媽孫佳君,自從13年同富商男友劉貴喬甩拖後,雖曾與法國米芝蓮大廚Olivier蜜運,最終又因文化差異,15年尾分手收場。外籍前度移情失婚梁芷珊,至於孫佳君呢?單身生活幾咁happy,17年被揭豪花9,580萬買入中半山一個實用面積1,948呎豪宅,富貴媽媽仲大把時間enjoy湊仔。唔經唔覺,佢對寶貝仔分別已14歲和10歲,愛打籃球嘅大仔6呎1吋高,單親媽曾笑言兩個囝囝破壞力太強,等於養12隻狗,兩兄弟又成日打交,細佬成日被打到喊!

面有粒粒  

  自言做媽咪好攰,但值得犧牲嘅孫佳君,日前轉天氣塊面又開始生粒粒。日前下午2時,自言開心秘訣係天天運動嘅孫佳君,穿上一身運動服,戴上黑超、太陽帽密冚零妝靚樣,現身銅鑼灣街頭,急步行入連鎖店揀護膚品。見佢除下墨鏡雙眼掃一掃眼前產品,此時記者離遠見到平日皮膚白滑嘅佢塊面生咗少少粒粒。美魔女搵唔到心頭好,就行去藥劑部向店員查詢。等咗十分鐘,店員向孫佳君遞上兩盒藥,辣媽再在櫃檯前挑選多幾盒補健產品,才畀錢走人。然後keep住低頭行去隔籬街,上七人車離開。急救完皮膚無耐,孫佳君就風騷自拍大頭泳照放上網,招牌厚唇和34C「雪球」非常養眼。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd