首頁 日報娛樂

處女個唱大壓力暴瘦 譚嘉荃少布歌衫益Fans

08/10/2019
■譚嘉荃在演唱會上會跟漢洋合唱《其實我介意》。
■譚嘉荃在演唱會上會跟漢洋合唱《其實我介意》。 (1/7)

  歌手譚嘉荃(Amy) 入行19年,等開個唱等到頸都長,原先於9月5日在九龍灣展貿舉行處女show,最後因天氣關係延期至11月22日,連演出場地都改為旺角麥花臣場館。譚嘉荃意外地轉戰大場,壓力更大,經理人漢洋唔止出錢又出力,仲要做埋心理輔導員,漢洋坦承:「佢係個好需要安全感嘅人。」採訪:方騫平

  漢洋為怕譚嘉荃開Show改期會惹來是非,所以堅持改期後於大場舉行。他說:「其實上次開售無耐就Full house啦,雖然細場得500個位,但呢個市道真係好好喇,改期後座位係多咗,有做生意嘅朋友就拍心口同我封蝕本門,話『如果賣唔晒有我哋包底。』睇10月4號門票開售去勢好ok,而且有朋友追加咗啲飛,票房唔係問題。」

  而漢洋又指Amy壓力好大,「我同佢做咗好多心理輔導,佢係緊張大師,我同佢講,話個天再畀機會你,等你喺更好場地及環境演出。」今次演唱會改期,漢洋損失6位數字,但買個安心都叫值得:「既然當時預計開show當天有可能會掛八號風球,我唔想Amy開show前承受太大壓力,誠惶誠恐反而做得唔好。」而Amy坦言好需要安全感,始終第一次開演唱會冇乜經驗,比一般人緊張十倍,更消瘦至摸到肋骨,連生日飯都要押後食。她說:「真係要畀掌聲經理人,同時好感謝表演嘉賓李國祥撐到底,改期演出都冇問題。」問到點報答漢洋?漢洋即搶答說:「咁熟唔使啦!最緊要佢做好個show。」至於可會性感演出來答謝觀眾?漢洋即爆料:「原本跳舞部份係着tube top,因為舞台大咗,衫都要再誇張啲,可能再少布啲。」譚嘉荃說:「佢真係嫌我套衫唔夠性感㗎,唯有再keep fit啲配合。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd