首頁 日報娛樂

12月做老竇 林子善貼心護大肚妻

08/10/2019
■好多人行路唔帶眼,所以林子善拖實老婆過馬路。
■好多人行路唔帶眼,所以林子善拖實老婆過馬路。 (1/7)

  前年,林子善和拍拖六年的圈外女友Kary結婚,今年七月在社交網貼出一張超聲波相及留言:「期待小公主的來臨,你要乖乖身體健健康康,懷胎十月辛苦晒大寶貝。」話咁快林太懷胎七個月,但個肚唔算好巨大。日前晚上七點,林子善同老婆去銅鑼灣超市買嘢,兩公婆全程都好好笑容,林太行路亦好敏捷,不過,林子善睇得好緊,好多人行路唔帶眼,所以佢拖實老婆過馬路。採訪︰梁志明

  TVB劇《金宵大廈》好受歡迎,林子善喺劇中飾演陳山聰老友,手機舖老闆膠罐,出鏡率唔算好多,但金句好多,如「今時今日搵三萬住私樓,不如搵萬幾住公屋」、「買樓係香港人嘅畢生夢」等,反映好多小市民「望樓興歎」的悲哀。

快樂大肚婆

  當晚,林子善同着住貼身裙嘅老婆去銅鑼灣超市買嘢,林太主力買生果,見佢拎住電話揀奇異果揀咗好耐,之後又同老公一齊揀橙,林太仲好玩得,笑笑口叫個店員幫手揀,陀B陀得好快樂,相信肚中嘅未來小公主一定係開心嘅BB。揀完生果,兩人再去買餅,因為心儀餅餅放喺底層,大肚婆唔方便拎,林子善即做嘢,買完就去自助找數,林太發現記者再話畀老公知,兩個人一齊同記者打招呼,之後林子善拖實老婆行返大坑寓所。



其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd