首頁 日報娛樂

性感女神低調出巡 周秀娜狂掃奶類食品 保D cup胸

08/10/2019
多重「密封」
■娜姐着上深色衫、戴黑色口罩、深色帽,多重「密封」,僅露雙眼神隱超市上糧。
多重「密封」 ■娜姐着上深色衫、戴黑色口罩、深色帽,多重「密封」,僅露雙眼神隱超市上糧。(1/10)

  由O靚模咪神跳升到當紅藝人嘅周秀娜,近年專注事業發展,自稱感情真空,但日前卻傳出與TVB型男余德丞秘戀3個月,兩人同住一屋苑,且男神女神配,非常登對!上月底某晚,娜姐戴上黑色口罩密冚艷光,現身銅鑼灣時代廣場一間超市購物。見娜姐專攻奶類食物,掃咗一堆乳酪、布甸等,豐胸又健康呀!採訪 : 梁志明

  現年34歲嘅「性感女神」周秀娜,在影壇拾級而上,不僅片約不斷,身價更加十級跳。去年9月,佢跟前經理人Roy爆出合約糾紛;其後,回復自由身嘅娜姐更索性自組「娜娜工作室」;實行自己接job,肥水不流別人田。吸金力咁強,今年初娜姐「上車」榮升業主,以630多萬元購入將軍澳,一個約520呎嘅兩房單位。不過,佢有自置物業唔住,去年開始租住大坑道豪宅,與郭富城、余德丞等做鄰居。

  事業得意,娜姐嘅感情生活亦不愁寂寞。佢同已婚電影監製黃永峰緋聞傳足8年,經常約會,從不避嫌。月前,娜姐嘅戀愛史可以改寫新一頁嘞!有指娜姐經好友、造型師馬天佑介紹下認識余德丞,兩人由鄰居發展成情侶。就算日前男方30歲牛一,娜姐都搵埋馬天佑做煙幕,與新歡溫馨慶生。

自訂身份車牌

  當晚7時許,娜姐戴上口罩、深色帽低調抵時代廣場一超市購物。戴住無線耳機嘅佢,刻意壓低頂帽,然後去凍櫃揀嘢。曾話過「唔飲奶,木瓜味又臭」嘅娜姐抗拒飲木瓜奶豐胸,但仍喜歡食果味乳酪。見佢揀咗5、6盒乳酪,再拎多幾盒椰子味布甸,最後揀多幾包零食就畀錢走人。之後,娜姐搭(車立)落車場取車,上咗佢架有個「NA」(音娜)字自訂車牌白色房車,揸車返豪宅。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd