首頁 日報娛樂

馬天佑掩護陪行 顧紀筠兒子陳浚霆有女陪Shopping

09/10/2019
■馬天佑(左)似做掩護,與兄弟陳浚霆(右)夾住女友人三人行。
■馬天佑(左)似做掩護,與兄弟陳浚霆(右)夾住女友人三人行。 (1/6)

  由星級形象指導、踩入樂壇做創作歌手嘅馬天佑,因為不時陪男女神余德丞和周秀娜三人行,被指係兩人媒人,撮合戀情。日前傍晚,專做紅娘嘅馬天佑,與好友、顧紀筠兒子陳浚霆及一圈外女友人一齊行中環ifc。見短裙女不時被兩男o氹得開懷大笑,又不自覺成日挨近陳浚霆,似足對方女友。 採訪:李權威

  馬天佑日前去電台宣傳新歌《大妄想家》時,回應撮合娜姐和余德丞一事,天佑承認介紹兩人認識,但二人唔係拍拖喎!不過轉頭又自誇過去做媒人嘅成功率係百分百,好多同事及朋友都提議佢開相睇公司,言下之意,又似乎唔覺意踢爆咗「娜丞戀」囉!

  日前傍晚6時許,一向好friend嘅馬天佑和陳浚霆,以及一位圈外女友人約埋行中環ifc。星二代陳浚霆,早年拍過《愛.回家之開心速遞》及節目《街市遊樂團》入晒屋,及後離開無線,簽約江美儀為經理人。浚霆曾經同仁濟前主席嚴玉麟女兒嚴紀雯拍過拖,舊愛月前大婚,浚霆與父母都有出席婚禮,但未聞有新戀情。

帶狗仔o氹女

  當日,三人快閃入名店睇飾物、冬裝,幾分鐘後笑笑口步出。見束髮女友人好鍾意黐實浚霆,無論睇衫定走人都行孖咇,似足拖友。直至發現有本報記者,天佑好識做與兄弟夾住女友人三人行。浚霆邊行邊摸小狗玩,最後齊齊走人。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd