首頁 日報娛樂

囡囡超黐身難得抽空購物 利嘉兒全身名牌似大媽

09/10/2019
■着粉紅Tee加家居短褲嘅Lily一身名牌,但好難得竟然穿出大媽味。
■着粉紅Tee加家居短褲嘅Lily一身名牌,但好難得竟然穿出大媽味。(1/7)

  曾流產兩次,44歲才生第一胎的利嘉兒(Lily)坦言因為得來不易,所以有時會不由自主放縱個女,佢話:「只要不過份,有禮貌,她開心就得。」但因為個女好黐佢,又唔畀人抱,所以Lily想行開吓都唔得。日前傍晚,見到暫時可以「逃」出嚟嘅Lily去銅鑼灣利園行名店,佢試咗好多嘢,有帽有袋又有鞋,重點係佢全身名牌,但就着出大媽味道,都幾難得。採訪:梁志明



  都係嗰句,因為得來不易,所以Lily出親嚟都會講個女,例如個女好怕沖涼,一沖涼就不停喊同嗌,隔籬屋成日以為佢虐待兒童。另外,因為小朋友啲指甲好尖,一扭計就抓到佢損晒,總之全家人都傷痕纍纍。

試咗好多嘢

  日前傍晚6點,着住名牌Tee加一條家居短褲嘅利嘉兒去利園行Chanel,戴住帽嘅佢對Sun Visor好有興趣,戴住一頂灰色嘅又望住頂白色,之後又試厚底鞋,試完埋鏡照吓,感覺麻麻地,可能同條家居褲真係好唔襯啦。店員推介小手袋,可孭可做腰Bag,有白有黃色,兩個色佢都好有興趣,試完又放低,揀足一個鐘,揀到攰坐吓,店員就遞上熱茶畀佢,最後呢,得個試字。之後佢入咗COVA話買蛋糕,最後又係乜都無拎走,之後就去停車場揸車離開。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd