首頁 日報娛樂

做憶子狂母嚇親觀眾 趙希洛驚咗BB唔敢做媽咪

11/10/2019
■趙希洛家境富裕,因為愛演戲而做藝員。
■趙希洛家境富裕,因為愛演戲而做藝員。(1/6)

        TVB熱播劇《金宵大廈》好評如潮,在單元《嬰》中演憶子成狂「何太」的趙希洛(Candice)更被受讚賞,更有觀眾指被她嚇親。她笑說:「嗰吓有小小矛盾,除咗講『多謝』同埋『唔好意思,對唔住呀,我唔係有心嚇親你。』之外真係唔識畀咩反應。」對於被指是「無線御用癲婆」,Candice說:「一諗起癲婆就諗起我就唔好嘞,諗我係個多元化嘅演員好啲。」

自《嬰》單元出街後,趙希洛覺得最大變化係做咗「何太」,她大笑說:「首先我未嫁㗎,希望將來唔好嫁個姓何,否則都有啲大鑊,我都驚驚哋!」不過,暫時觀眾驚「何太」多啲,特別係媽咪級觀眾:「有一集播出時我去咗個媽咪級朋友屋企睇,因為屋內燈光昏暗,我同佢都驚到要攬住個Cushion睇。為免嚇親細路,我叫佢嘅6歲囡囡唔好睇,但阿女好叻豬話唔怕,仲指住我話:『你喺度嘛,電視機嗰個係假㗎。』」

  Candice覺得媽咪級觀眾會代入何太角色,「我永遠宏觀去睇一個角色,好多人覺得何太係一個壞人,但何太產後不久BB就死咗,冇一個媽咪可以咁快放得低,加上老公又離開佢,打擊好大,自己再加入有產後抑鬱因素。雖然我未做過媽咪,但會用同寵物嘅關係去諗,假設失去愛犬嘅痛,所以有場戲話我喺牀上發夢,我流嗰啲係真眼淚。」問到拍完後會否母性大發?她說:「我反而好驚BB呀,之前拍過《超能老豆》做兩個5歲及6歲嘅小朋友媽咪,同小朋友合作經已係大挑戰,點知今次對手係BB,而且佢勁憎拍戲,一入廠就喊到拆天,就算點o氹佢都冇用,而且好黐身,無時無刻要媽咪抱住。原來做媽咪唔簡單,o依家先明白點解女性寧可返工,都唔願留喺屋企湊B。」

採訪:方騫平 髮型:Jay Cheung 化妝:Stephen Lau 服裝:N12H

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd