首頁 日報娛樂

睇舖睇到悶 陳伶俐低調師奶Look行超市

11/10/2019
■陳伶俐得個睇字,齋行無買。
■陳伶俐得個睇字,齋行無買。 (1/7)

  42歲的陳伶俐育有三子,為前夫林敏驄誕下20歲大仔林肯(Lincoln)和15歲二仔林善(Yohji),又與現任富豪老公劉頌銘生了5歲細仔Marengo。她除了照顧三個仔,還要打理畫廊和投資千萬的餐廳生意。日前,一身師奶Look的陳伶俐去咗銅鑼灣某連鎖家品店的食品部,富貴阿太屋企有工人但佢當日主力睇廚房用品,睇完油,又睇包,再睇醬料,全部都有攞上手研究,但最後乜都冇買,之後望吓電話見時間差唔多,就急急腳趕回去同區的餐廳睇舖。採訪:梁志明



  陳伶俐繼早年獲老公打本千萬開畫廊後,去年初,夫婦再投資8位數字在銅鑼灣開設新加坡餐廳。陳伶俐雖然是老闆娘,但從不假手於人,凡事親力親為,她主要做樓面,因可直接了解客人需要;而老公煮嘢叻,所以通常與師傅在廚房研究菜式。陳伶俐坦言自己廚藝不錯,但在老公面前真係冇得比,她大讚老公會搵最靚的材料炮製佳餚給她品嚐,所以佢負責食就可以了。

  日前下午約5時,紥住馬尾,一身師奶Look的陳伶俐獨自到IKEA地庫食品部睇嘢,一入內,她熟路地到放油的位置,見她拎起支有機的菜籽油研究,望完一輪放低後,她再到凍櫃睇熱狗包,睇完成份後又放回原位。之後再去另一個櫃睇調味料,佢拎起支芥辣望一望,睇完又放番低,跟住再睇樽裝希靈魚,佢拎上手望咗幾分鐘,猶豫不決買唔買好。逗留約半個鐘,見差不多開始做夜市,乜都無買就趕返舖。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd